Press "Enter" to skip to content

Pyntreikam ka DC ïa ka SWM Rule 2016 ha Nongpoh, kiba pyrshah kin shah daiñ kuna

Nongpoh, Ïaïong 16: Kum kawei na ka thong ban wan rah jingkhuid ha ki shnong ba hap ha ka sor Nongpoh ha Ri Bhoi bad ruh ban khanglad na ka jingbret jaboh pathar ha ki jaka paidbah, ka Deputy Commissioner ka Ri Bhoi ka la pyntreikam noh ïa kawei ka kyndon aiñ ba la tip kum ka Solid Waste Management Rule 2016 ba la khang pyrshah ban bret jaboh kulmar bad ruh ban leh jaboh ha ki jaka paidbah.
Ka Deputy Commissioner ka Ri Bhoi ka la pyntreikam ruh ïa katei ka aiñ katkum ka hukum ka National Green Tribunal (NGT) badonburom la dei ban pyntreikam noh iaka Solid Waste Management (SWM) Rule 2016.
Ka Office jong ka Deputy Commissioner, Ri Bhoi District, Nongpoh ha ryngkat bad ka jing iatreilang ka Nongpoh Town Committee ka mana ia baroh ki nongshongshnong, ki nongshong dukan ki ba hap hapoh ka jingpeit jingkhmieh jong ka Nongpoh Town ba kin shim khia iaka kamram jongki kumba la kdew hapoh ka Rule4 jong ka SWM Rule,2016.
La pyntip aidbah ruh ba lada lap ia kino kino kiba leh pyrshah ban bret jaboh kulmar ne leh jaboh ha ki jak apaidbah ki lah ban ngat haka jingpynshitom bad yn dain kuna ruh 5000 tyngka shaneng katkum ka “Polluters Pay Principle” bad iaki kyrteng jong ki yn phah sha ka NGT ban pyngngat ia ki kum ki nongshahmudui.
Naka bynta ki jingtip ba kham bniah halor ka SWM Rule,2016 phi lah ban download naka website jong ka Ministry of Environment, Forest and Climate Change.