Press "Enter" to skip to content

Mih ki challan ba suba ban ïoh khaïi tuh ïa u dewïong, bun kiba pyrshah

Shillong, Jymmang 01: Ki katto katne ki nongkhaïi dewiong kila kynnoh ba mih ki challan kiba la tip kum ki “Incidental Slate” tang ban ïoh ban khaïi tuh ïa u dewiong ha ka kyrteng u maw slate.
La kynnoh ba don ka jingleh khliehshrieh da ki katto katne ki nongkhaii bad kila ïoh ruh ïa kane ka challan “Incidental Slate” na ka tnad Directorate of Mineral Resources jong ka Sorkar Jylla kaba la pynlyngnoh ïa kiba bun ki bym ïoh challan ban khaïi ïa u dewiong.
La kynnoh ba kine ki challan kila mih dang ha kine ki khyndiat taiew bad la kynnoh ha ka jaka u mawslate la kit da u dewiong tang ban ïoh shalan beaiñ ïa u dewiong na kane ka jylla shabar ka jylla. Hynrei ki don katto katne ki nongkhaii kila pyrshah jur bad kane ka jingthmu ban pynïaid ïa kane ka challan khamtam haka thain Nongpoh (Ri Bhoi) bad ka jingthmu ban pyniaid ia kane ka challan kala pulom.
Mynta la ong ba ka jingiaid u dewiong na thain Jaiñtia kala sangeh naduh ba mih ka “Incidental Slate” challan bad lada ka tnad DMR ka pyniaid iew ia kine ki challan, kan wanrah ka jyrsieh bamsap kaba jur bha hapoh ka tnad bad ka ka khajna ka sorkar kan lait sha rud.