Press "Enter" to skip to content

Pynbthei bom ki Maoist ha Marashtra, ïap ei 15 ngut ki Pulit Commando

Shah thang 25 tylli ki kali

Gadchiroli: Khatsan ngut ki Pulit Commando jong ka jylla Maharashtra bad u draibar, ki la kyllon ïap, haba ki Maoist, ki la pynthei da u bom IED ha ka por ba kine ki Pulit ki dang ïaid lynti ban leit peit ïa ki kali ba la thang hi da ki Maoist ha ka por mynstep.
Kane ka la jia ha ka sngi Balang por ha Gadchiroli ha jylla Maharashtra.
Kine ki Pulit jong ka C-60 Quick Response Team, ki la leit da ka kali Private, hynrei hamar ba ki dang ïaid ha katei ka surok, u bomb IED ba la tep hapdeng surok u la bthei bad ka kali ba ki shong ka la pra lut.
Ha shuwa jong kane, kumb arphew san tylli ki kali ki la shah thang ha Kurkheda, kaba dei ka jaka tei jingtei. Kine ki Pulit ki la leit sha katei ka shnong ban leit peit ïa kane ka jingshah thang ki kali, hynrei shiteng lynti ki la ïakynduh ïa kane ka jingbthei bom.
Ki Maoist, kidei ki kynja seng kaikhlaw ba ong shane, kiba leh da ki kam pyntriem kum ki lehnoh.
Kane ka jingpynbthei bom ka la jia ruh ha ka sngi ba ka Maharashtra ka la rakhe ïa ka sngi ïoh jylla. Kadei ruh artad ha kaba kut jong ka jingkynmaw burom ba shi taïew lynter ki Maoist ban kynmaw ïa ka jingshah siat ïap jong ki 40 ngut ki dkhot jong ka ha ki Pulit kaba la jia ha ka 22 tarik u ïaïong jong u snem baladep. Na ka liang u Myntri Rangbah duh, u Narendra Modi, u Myntri kam pohïing, u Rajnath Singh, ki la pynrem jur ïa kane ka jingjia.