Press "Enter" to skip to content

Kem 3, ba pynlong dorbar ha Shella pyrshah ïa ka rai Iing Kashari

Shillong, Jymmang 02 : Ki pulit ha ka sngi Palei ki la kem noh ïa ki lai ngut ki rangbah halor ka jingdonkti pynlong ïa ka dorbar ha Shella, East Khasi Hills kaba long pyrshah ïa ka rai jong ka Iing Kashari.
Haba pyntikna ïa kane, ka Superintendent of Police ka district, kong Claudia A Lyngwa ka la ong ba ki pulit ki la ïoh kem ïa lai ngut ki briew da kaba ong ba shen yn tian bishar ïa ki.
La ïoh jingtip ba kitei kiba shah kem ki kynthup ïa u Bah Wanteikupar Swett bad u Bah Tobias Tiewdop halor ka jingleh pyrshah ïa ka hukum na ka Kashari jong LW Phira, presiding officer, Subordinate District Council Court, Shillong ha ka 26tarik Ïaiong kaba la mana ban pynlong kino kino ki jingïalang ha Shella ban jied ïa ki nongkitkam ba thymmai.