Press "Enter" to skip to content

Teh pyrkhing ka sorkar da ka Sec 144 ba thmu ïakhih ILP ki Sengbhalang

Shillong: Ka sorkar jylla lyngba u Deputy Commissoner ka East Khasi Hills District, ka la pyrkhing bha ïa ka rukom long ka suk ka saiñ, da kaba pynjari da ka Section 144 Cr.PC.
Lyngba kane ka jingpynjari, la khang pyrshah ban die petrol ne diesel lyngba ki klong bad kiwei kiwei de ki tyndong. Ka daw ba la pynjari ïa kane ka kyndon, la ong ba kadei namar ba ka don ka jingthmu ïakhih dawa Inner Line Permit (ILP) da ki Kynhun bad Sengbhalang kiba kyrshan ban pyntreikam ïa ka ILP ha ka jylla.
Kawei pat ka daw ba la pynjari ïa kane ka kyndon, kadei namar ka jingjia ha FCI Godown ha Khanapara, ha kaba uwei u Home Guard, u la shah pynïap ha ki draibar trok bad kumjuh ruh ka jingshah thang ki artylli ki trok ha FCO Godown ha Mawlai ha kine ki sngi baladep.