Press "Enter" to skip to content

Shah thombor sa ki Pulit ha ki paidbah ha Tuber Sohshrieh

Shillong: Ka Tuber Sohshrieh ha East Jaiñtia Hills sa shisien pat ka la paw khubor namar ki kam thombor bad shoh briew ha ki paidbah kiba na katei ka thaiñ..
Mynta ka kynti, dei sa ki Pulit, kiba don duty ha Chcek gate jong ka NGT ha katei ka jaka kiba ngat ha kti ki paidbah.
Ka thymmei khubor ba la ïohlum na ki Pulit ka ïathuh ruh ba ha miet sngi balang ha ka por kumba 9:30 baje eiei ki paidbah kiba la kieng atiar ïalade da ki dieng bad kiwei kiwei ki tiar ki la tur bad byrngem ruh ban pynïap ïa ki Pulit lada kim pyllait ïa ki trok kit dewïong kiba shah bat hangtei.
Namar kane ka jingtur ki paidbah, don napdeng kine ki trok ki la shim kabu namar ka jingduna ki Pulit bad ka jingther u slap, ki la phet la ka phet na katei ka check point ban leit kit ïa u dewïong sha Guwahati.
Lah ban kdew hangne ba dei hangne ha Tuber Sohshrieh ha Naiwieng jong u snem baladep, ki paidbah, ki la bat bad thombor ïa i Kong Agnes Kharshiing bad ka Amita Sangma haduh ba kin da mynsaw jur, haba ki la leit ban talasi ïa ki trok kit dewïong beaiñ ha katei ka thaiñ.