Press "Enter" to skip to content

Kurup biang ki Pulit ïa ki battery tower ba shah tuh, ïohkem 6 ngut ki snar lute

Jowai, Jymmang 08: Ki Pulit jong ka West Jaiñtia Hills District kila ïoh kurup biang ïaki battery kiba shah tuh na ki tower mobile phone na kylleng ki jaka bad kila iohkem ruh 6 ngut ki suba snar nongtuh kiba dei na ka jadibynriew muslim kiba pynlang nar jot tin jot.
Ki pulit kila ïoh kurup biang ïa kine ki battery kiba la shah tuh na kylleng ki jaka na Shangpung, Tuber, Thadmuthlong, Hynniawmer, Jowai bad na kiwei kiwei ki jaka haka step sngi Balang na Ladthadlaboh Jowai na kawei ka ïing shongwai kitei ki bar jylla kaba don hajan ka kudam jong ka Rymbai Gas Agency.
U Superintendent of Police West Jaiñtia Hills District Bah Lakador Syiem kila ïoh kurup bad kem ïa kine ki suba nongtuh battery haka por 5 baje mynstep na katei ka jaka.
Nyngkong eh ki pulit kila ïoh kem lai ngut ki na kawei ka kali gypsy kaba don u register number ML-04-3186 (kaba la pynsniew iaka chassis number bad la pyndait ruh iaka number plate thok) ba kynthup ïa u Md. Mujanil Ali, u Abduch Chalam, Kajim Uddin Ali.
Hadien ba ki pulit kila ïoh jingtip ba ki don kiba lait phet kila thwet bad beh kthong ïa ki bad iohkem ïa u Raham Ali katba ar ngut kila lait phet. Nalor kine la ïohkem ruh sa ia u Hastakar Ali bad u Sur Jamal Ali.
Haka jingkhynra ïaka jaka sah jong kine ki khar die nar jot tin jop la ïoh kurup ïa ki battery na khrum jingthiah jong ki kynthup ïa ki battery kiba la dep pynpait bad kiba dang don hapoh ka synduk battery kiba don haduh 39 tylli ki battery, 107 tylli ki cell battery nalor ki tiar ot bad ki tiar ba tam na ki battery kiba don haduh 19 byrni.
Halor kane ka jingiohkem ïa kane ka kynhun ki suba snar tuh battery ki pulit kila register iaka case hapoh ka kyndon aiñ tuh thiem katkum ka section 380 IPC bad ka jintohkit halor kane ka case kala iaid shakhmat.