Press "Enter" to skip to content

Ryngkat 30 tylli ki masi ngat 3 ngut ha kti ki BS

Shillong, Jymmang 08: Ki BSF hadien ka jingtip kaba bniah bha ki la pynlong ka jingpynap shrip kaba jur ha ka 06tarik mynta u bnai ha Baghamara ha kaba ki la ïoh ban kurup noh haduh 30 tylli ki masi bad ïoh kem ruh bad lai ngut ki briew na ki kali kiba thmu ban leit pynhap ïa ki masi ha khappud ban shalan sha Bangladesh.
Katkum ka kyrwoh na ki BSF, la ong ba mar ïa ïoh jingtip, ki BSF jong ka BOP Baghmara South Garo Hills ki la pynap shrip bad haba ki ïohi ba ki don ki kali kiba i suba ki la pyrshang ban pynsangeh hajan ka wei ka Petrol Pump kaba don ha NH-62 Baghmara hynrei kam shym la sangeh satia. Kumta la ong ba hadien ka jingkthong kaba la neh kumba 15 minit ki la ïoh ban khang kdong noh ïa kitei ki kali ha jan ka shnong Jacksogram kaba hap ha Baghmara PS.
La ïathuh ruh ba ryngkat bad katei ka kali ki la ïoh ban kem noh ïa uwei u nongñiah ryngkat bad arngut ki nongbud katba kawei pat ka kali ka la ïoh ban phet krad noh. Ha katei ka jingjia, ki BSF ki la ong ruh ba ki la ïoh ruh ban kurup noh ar tylli ki kali ryngkat bad 30 tylli ki masi kiba thmu ban khaii tuh sha Bangladesh.