Press "Enter" to skip to content

Shah shoh khynnah skul Govt. Girls ha ki para Khynnah haduh ban da mynsaw

Shillong: Kawei ka khynnah skul jong ka Govt. Girls Higher Secondary School Jail Road, kaba dang shong Class IX, ka la shah shoh ha ki arngut ki khynnah skul bar jylla kiba leit skul hangtei hi, ha ka sngi nyngkong haduh ba kan da mynsaw jur. Kane ka khynnah ka shong ka sah ha Nongsohphoh, Mawprem.
Haba ïakren bad kiba haïing kane ka khynnah, la ïathuh ba kine ki arngut ki bar jylla kiba shong ba sah ha Jail Road kidei kiba la kham heh ïa ka, ki la shoh hadien ba la wai skul ha phyllaw jong ka skul hi. Hynrei donbok ba la lap noh da ki Nonghikai kiba la ïarap noh ïa ka.
Hadien kane ka jingjia na ka liang jong ka skul ka la ujor
FIR sha ki Pulit ka Sadar Police Station bad haba ki Pulit ki la tohkit na kine ki arngut ki bar jylla, ki la phla ba la phah ïa ki da uwei u bar jylla, uba kyrteng u Sumit Das uba kyrteng u Sumit Das, uba shong ba sah ha Pynthor.
Ïa kane ka khynnah la leit ïalam sha Hospital ban phah test, namar ba ka la shitom na ki bynta jong ka khlieh ka ryndang bad ka met.
Na ka liang ka KSU Mawprem Circle ruh haba ka la ïoh jingtip ïa kane, ka la hiar wut wut sha katei ka skul ban tohkit ïa kane ka jingjia. Ka Seng ka la bthah ruh ïa ki bahaïing ban ujor FIR pyrshah ïa kitei ki khynnah skul shoh briew.
Na ka liang ka Seng ka ai ruh ka jingmaham ïa ki bar jylla la ka long ïa ki kynthei ne shynrang ba lada ki thombor ïa ki Khasi, ka Seng kan leh da kaba tyngeh.