Press "Enter" to skip to content

Yn mihkhmat 4 ki samla na Ri Bhoi sha ka Kyoukushin Karate World C’ship ha Nepal

Nongpoh, Jymmang 17: Ki saw ngut ki khynnah na Meghalaya hapoh ka lama jong ka Meghalaya Kyou-kushin Karate Association (MKKA) kin leit ban ia shim bynta ha ka Kyokushin Karate Full Contact World Championship ka ban long ha ka Ri Nepal haka 27-28 Jymmang 2019 haka stadium Pui Pokhari Thimi Munici-pality Shankadhar Chourk Bhaktapur Katmandu .
Kine ki samla ki ban leit mihkhmat sha katei ka lympung ki kynthup ïa u Samla Elias Bey ha ka jingkhia kaba 60 Kg, u Horjon Makri ha ka jingkhia kaba 50 Kg, u samla Phyrnai Khymdeit ha ka jingkhia kaba 55Kg bad ka Samla Margherita Klein ha ka jingkhia kaba -50Kg.
Kine ki khynnah na Meghalaya kila shah jied naka bynta ka Ri India lyngba ka jinglah ka jong ki ban jop ha ka National Level kaba la long haka 5th -6th January 2019 haka sor Guwahati. Naka liang jong ka synjuk ka shem jynjar bha ban pynbiang ka jingdonkam haka jinglut jingsep naka bynta ban leit shim bynta iakatei ka Tournament namar ka dei ka Association kaba dang shu sdang hynrei lyngba ka jingai mynsiem jong ka HYC Umden Circle ka Association ka wan ka jingkyrmen naka bynta ki ki nongleit aireng na Meghalaya.