Press "Enter" to skip to content

Yn Jop beit u Jemino Mawthoh kum u kyrtong ïamomlang : Ong u Bah Paul Lyngdoh ,MDC na Mawprem bad EM KHADC

Kynsai M.Khonglah.

(All India -ka BJP (NDA) kan jop 273 haduh 300 ha ka 2019”) (ka UPA kan kiew na ka 58 sha ka 82 ha ka 2019)
Ka jingthep vote na ka bynta ka MP Election ka la poi sha ka jingkut bad ka jingpynbna ïa ka result kan sa long ha ka 23 tarik Jymmang 2019. Ka congress ka la jop haduh 15 sien lynter bad u Ma Riple Kyndiah bad u Ma Vincent Pala ki la long ki nongmihkhmat na kane ka party. Ka jingkylla ha ka sorkar ka la jia ha u snem 2018 ha kaba ka seng riew lum ka la wan ha ka bor shynshar hapoh ka jingïasynrop lang ki party kum ka UDP, NPP, KHNAM, HSPDP,BJP bad ka PDF. Ka party shynshar ka la pyn ïeng da u Dr J.Mawthoh (UDP). Kum u kyrtong ba ïamon lang u Jemoino u la shim ïa ka lyngkor ban pynliem ïa u Ma V. Pala u ba la mih khmat na ka Congress sha New Delhi. Na ka jingkheiñ ba ka ïoh ban lum da u bah Paul Lyngdoh , namar ka jingkyrshan jong ki 3 bad 4 party ïa u Jemino , ka UDP kan jop suk mynta ka kynti. Kan shong pat haduh katno ka BJP kan ïoh khur namar ka lah ban wanrah ka jingkylla ha ka vote . Kiba bun hi na ki bym dei ki seng riewlum ki kyrshan ïa ka Congress lane ki party ki bym dei na ka seng riew lum . Ka vote bank jong ka BJP ka lah ban don kumba shi lakh sanphew hajar ha kane ka jylla . Ka Congress ha kawei pat ka liang ka la duh 8 tylli ki konstituensi lada ki MLA lane ki ex MLA ki la kyrshan sha ka NPP kum u Bah D.D. Lapang, Prestone Tynsong ,Ki Dhar nalor kiwei kiwei de . Ka congress ka lah ban duh noh ruh ki riew rangbah kum u Bah Rowell Lyngdoh , Kong Roshan Warjri bad Roytre Laloo. I Bah Paul i la kdew ruh sha ka result MDC election 2019 ha KHADC bad JHADC ha kaba ka congress ka ïoh tang 14, bad kan duh pat ha ki 45 tylli ki MDC constituency. Ka BJP ka lah ban khur bun vote na ki constituency kum ka Laban bad ka Pynthor Umkhrah .
Ka Congress ka la kot sha ka 42% ha ka total vote ba la ïasam ha ka u snem 2014 bad mynta ka kynti kan na ki 8 tylli ki constituency kan kan sa poi sha ka 30% lane 35% .Ka Congress ka lah ban mad ïa ka jingshah rem na ka nongbah Shillong bad ka lah ruh ban poi tang kumba 27%. Ha Tura pat , ka BJP ka lah ban ïoh tang kumba 50,000 vote . Ki party ki ban ïa pyni bor ki long beit hapdeng ka NPP bad ka Congress bad ka NPP ka la juh rah bunsien ïa ka nam lah duh lynter bad ka Congress pat ka juh wan ha ka kyrdan kaba ar jan 20 snem mynta . Ki artylli ki seat na Tura bad Shillong ki lah ban pyn ïasnoh sha ka NDA ban ïa kaba pyn ïasnoh sha ka UPA. Ka UPA ha ka ri India ka la buh ba kan kiew na ka 58 sha ka 82 eh.