Press "Enter" to skip to content

Ïoh kurup Kynja ki Pulit West Jaiñtia ba shongdor T.50 lak tam ha ïew

Jowai, Jymmang 22: Arngut ki briew ba kynthup ïa u nongniah trok bad u nongbud kila shah kem ha ki pulit jong ka West Jaiñtia Hills ryngkat bad u kynja ba khia 247.15 kilo ba shongdor T.50 lak tam na Soomer, West Jaiñtia Hills District haka sngi Balang.
Kine ki arngut kiba shah kem ki dei u nongniah trok Dharambir Singh (35 snem) bad u handyman Jay Praksah Yadav (37snem) kiba na Sultanpur, Bihar. La kem ïa kine ki ar ngut na kawei ka trok kit kali kaba don u register number CG 08 Z 3368.
Ki pulit hadien ka jingïoh jingtip halor ka jingkhaii beaiñ ïaki jingdih pynbuiad kila pynlong ka jingkhynra kali haka surok bah NH 6 ha lad Bypass, Soomer hapoh ka jingïalam u Mac Joel Marngar, MPS Dy. SP Headquarter bad u Donkupar Moksha, MPS Dy. SP Traffic ryngkat bad ka kynhun pulit Anti-Narcotics Task Force.
Dei haka por 3.50 PM hadien bala wan katei ka trok ki kali kaba la suba sniew kaba don u number CG-08 Z 3368 kaba niah da u Dharambir Singh la bat ïaka bad iaka jingkhynra ïaka kali la lap haduh 20 song u kynja uba khia haduh 247.15 kilo bad ka shongdor ha iew haduh 50 lak, la ïathuh u bah Lakador Syiem, Superintendent of Police West Jaiñtia Hills District.
Halor kane ka jingiohkurup ia une u kynja bad ka jingkem ïa kine ki ar ngut ka jingtohkit ki pulit kala iaid shakhmat.