Press "Enter" to skip to content

Jied nongkitkam thymmai ka Mylliem Sports Club, u Bah J Nongkhlaw kum u President

Shillong, Jymmang 25 : Ka jingialang jong ka Mylliem sports Clubs kaba la long ha ka 25 tarik mynta u bnai ha Social Welfare Centre ka la pynthymmai biang ïa ki nongkitkam.
Kitei ki nongkitkam ki kynthup ia u Bah J Nongkhlaw kum u President, Bah Wadjingshai Sohlang kum u vice-president, la jied ruh ia Fineststar Kharkongor kum u Secretary, Bah Arbeststar Marbañiang kum u Assistant Secretary, Bah Rangkynsai Tariang kum u Finance secretary, Bah H Khyriem kum u Treasurer.
Ka kyrwoh ka ong ruh ba ki dkhot pat ki kynthup ia u Bah OM Chyne, Hamphrang Syiem Sad, Bah Pynbiangborlang Lyngdoh, Bah Rapbor Warjri. Ki Rangbah Shnong bad Secretary jong ka thain Mylliem ki la long lypa ki dkhot Committee jong ka Mylliem Sports Club.
Na ka liang u president u ai khublei ia baroh ki riew rangbah jong ka thain Mylliem kiba la ia kyrshan bor bah ïa ka Mylliem sports club na ka bynta ka jinglut jingsep jong u snem 2018, khamtam ïa ki nongmih khmat paidbah.