Press "Enter" to skip to content

ïatreilang ka Childline bad ki Pulit ban lap ïa kiba pynngop kam awria

Jowai, Jylliew 11: U Superintendent of Police West Jaiñtia Hills District U Bah Lakador Syiem ula ong ba ka Childline Jowai ka don ka bynta kaba khraw ha kaban ïarap ïaki Pulit jong ka West Jaiñtia District Executive Force (WJHDEF) ban pynlait ïa ki khynnah kynthei kiba shah pynngop ïaki kam awria bad kem ruh ïa kiba donkti ban shongkha jubor bad ki khynnah.
Ka WJHDEF kala pynpaw ka jingaroh ïaka Childline Jowai halor ki kam bakhraw jong ka kiba iarap ban pynpra ïaka kynhun jong kiba khaïi ïaki kynthei khynnah sha ki kam awria.
U Bah Syiem ba ka childline kala arap shikatdei eh haka jingoh ban pyllait ïaki khynnah kynthei kiba hapoh 18 snem ka rta kiba shah pynïaid haki kam awria.
Ula ong ba Dennis Kurkalang jong ka Childline bad ka kynhun ka Childline kila iarap ïaki pulit khlem kano kano jingtien jingsmiej haba don kino kino ki case bad ki khynnah hapoh ka District.
Halor kane ka kam bakhraw jong ka Childline ka West Jaintia Hills – District Executive Force kala ai ka syrnod jingiaroh sha ka Childline bad ka khusnam kaba la aiti da u Superintendent of Police, West Jaintia Hills District Bah Lakador Syiem haka jingadonlang u Bijay Chetri, Additional SP, West Jaiñtia Hills, ka SI I Kharpran, OC Women Police.