Press "Enter" to skip to content

Kwah u CM ban nang pynbun ïa ka jingpynrung kyrteng Aadhaar Number

Shillong: U Myntri Rangbah ka jylla, u Conrad Sangma, uba la lum ïa ka jingïalang ki ophisar ha Tura ha ka sngi ba ar ban ïabuddien ïa ka jingpyntreikam ïa ki skhim, u la ban ruh ïa ka jingdonkam ban nang pynbun shuh shuh ïa ka jingpynrung kyrteng Aadhaar Card lyngba ka ophis jong ki Deputy Commissioner.
Ha kane ka jingïalang ba la don lang ruh u Adviser jong u CM, u Thomas Sangma, u Chief Whip ka liang synshar u Marcuise Marak ki ophisar rangbah bad ki DC jong baroh 11 tylli ki District, la ïakren ruh halor ka jingpyntreikam bha ïa ka Swachh Bharat Mission ha baroh ki District jong ka jylla.
Kane ka jingïalang ka la ïakren ruh halor ka jingpyntreikam ïa ka Survey Report jong ki District ha kaba ïadei bad ka DMR bad kiwei kiwei de.
U Conrad u la ban ïa ka jingdonkam ka jingtreikam bha ki DC, namar ki long kum u shabi ban plié ïa ka jingtreikam jong ki tnad treikam bapher bapher. “Namarkata ka daw ki jingïalang kiba kum kine ki long kiba donkam bha na ka bynta ka roi ka par ki nongkyndong”, la ong u Myntri Rangbah.