Press "Enter" to skip to content

La 6 sngi ym pat lap ksai ki Pulit halor ka jingïap ka Asst. Manager

Shillong: Hynriew sngi, ki la ïaid naduh ba la lap ïa ka met i Kong Iohbianghun Sahkhar, Assistant Manager ka Orchid Hotel ha Umïam, na ka liang ki Pulit kim pat lap ksai satai halor kane ka jingjia. Ka daw ka long ba kim pat ïoh ïa ka Post Mortem Report na ki Doktor.
“Ngim pat dep ka jingtohkit namar ba ngim pat ïoh ïa ka Post Mortem na ki Doktor”, la ong ki Pulit.
Dei ha ka 6 tarik mynta u bnai bas hi kynhun ki longkmie kiba leit kheit tit na khlaw Umbir, ki la lap ïa ka met i Kong Iohbiang hun,kaba la thiah lyngktop ha trai u dieng kseh ryngkat u tyllai plastic ba khum ha ryndang jong i. Ïa une u tyllai la teh ha une u dieng kseh.
Katkum ka jinglap ki briew, la ong ba uneu dieng kseh um don tnad satia ba ine I longkmie ba sah ha Umpling in phasi hi ïalade. Ha kajuh ka por ruh ki don kiba pynpaw ba lada don kiba pynïap ïa i, kadei kaba la plan lypa, namar ba kumno kin rah tyllai plastic lypa.
Kaei kaba ym shai haduh mynta, ka long ha ka sngi ba i mih na ophis, i Kong Iohbianghun,I mih bad no? Lane mano ba ïohi khatduh ïa i haba i mih na ophis?.