Press "Enter" to skip to content

Kem ki ANTF ïa ki Nongkhaïi drug, kurup palat 183 gram u heroin

Shillong, Jylliew 15: Ki Pulit ka Anti Narcotics Task Force (ANTF) jong ka East Khasi Hills hynnin ka miet sngi thohdieng, kila ïoh kem ïa arngut ki snar nongkhaii droks bad ïoh kurup haduh 183.49 gram u heroin na kawei ka Ïing na Sawlad.
Ki Pulit ka ANTF ha ka jingïaid khynra droks, kala ïohksai ïa uwei na ki snar nongkhaii droks na Sawlad ba mar mar kala pyn long ïa ka jingkhynra ban ïoh kurup ïa u heroin bala dep ha ki 15 tylli ki synduk sabon ba khia haduh 183.49 gram.
Kat kum ka jingïohuh jong ka Superintendent of Police ka District Kong Claudia Lyngwa, ïa une u droks la ïoh kurup na ka ïingsah jong u Sonmingla Hangboi. La ïohuh ba ïa une ud roks la kurup hakhmat ki nongsakhi shimet hadien bala dep pyndep ïa baroh ki kyndon jong ka NDPS Act.
Ine i Heh Pulit i ïohuh ba da ka jinglam lynti jong u Sonmingla Hangboi, ki Pulit ka ANTF kila ïoh kem sa ïa kawei ka briew kaba kyrteng ka Jessica Mate. I ïohuh ba na ka jingtohkit ba malu mala, la paw ba ka pla ba thep ïa u heroin la ai ha u Songmingla da kane ka briew ba un pynbuhrieh.
“Ki Pulit ki dang tohkit shuh shuh a kane ka case bad ka jingtohkit kaba bniah ïa ki briew ba shah kem ïa mynta la leh na ka bynta ban lap ïa ka thymmei ba wan poi une u heroin” ong i Kong Claudia haba bynrap ba ki Pulit kim pat nang ban batai ïa ka jing kem shuh shuh ïa ki briew namar ka paw ba don ka kynhun khaii drok ba shyrkhei.