Press "Enter" to skip to content

U Ricky Dan u long u nuksa ïa kiwei, 11 sien haka 4 snem ula ai snam sngewbha

Rakhe World Blood Donor Day ha Jowai
Jowai, Jylliew 15: U Ma Ricky Dan ula shah pynkup burom kyrpang haka Blood Bank jong ka Jowai Civil Hospital halor ka jingai snam sngewbha jong u sha kiba donkam snam kyrkieh haki jaka sumar ha Jowai.
Katkum ka report na ka Jowai Blood Bank u ma Ricky ula ai snam haduh 11 sien haka 4 snem bad kane ka dei ka nuksa kaba bha ba kiwei ruh kin bud ban ai snam na ka bynta ban ïoh pyllat im ïaki briew kiba donkam snam haba pang ba shitom.
Ka Blood Bank jong ka Jowai Civil Hospital haka jingatreilang bad ka Meghalaya Aids Control Society, Shillong and Meghalaya State Blood Transfusion Council, Shillong kila rakhe ïaka World Blood Donor Day haka sngi Thohdieng haka conference hall jong ka Blood Bank. Ka mat pdeng jong ka kalong “Save Blood for All”.
U Additional Deputy Commissioner, West Jaiñtia Hills District U Bah BJ Kharshandi, MCS ula long kum u kongsan haka jingiadonlang ka Dr. Rita Pohrmen, Superintendent of Jowai Civil Hospital Ialong, Superintendent Dr. Norman Tunnel Hospital ka Dr.N.Nongpluh, ki Doctors Dr. Norman Tunnel Hospital, ki nongtrei ka Blood Bank bad kiwei kiwei kila ïadonlang.
Kum ka dak ka jingsngewnguh ïa baroh ki nongai snam sngewbha ka Blood Bank Jowai kal ai ka syrnod jingiaroh bad khusnma sha baroh kila ai snam sngewbha.
Ka Kiang Nangbah Government College, Thomas Jones Synod College, Jowai, North East Adventist College, Khliehtyshi, Seng Samla Catholic, Jowai Parish, Jingïaseng Samla Presbyterian Balang Jowai, Seven Day Thadlaboh, Jowai, Dalmai Bharat Cement Plant, Thangskai, East Jaintia Hills, Jaintia Eastern College, Khliehriat, East Jaintia Hills District, HDFC Bank Jowai, North East Adventist Church, Khliehtyshi kila ïoh ïaki syrnod jingiaroh halor ka jinglah jong ban pynlang pynlum bad pynïoh ïaki nongai snam haba donkam.
Ka Jowai Blood Bank kala pynlong ïaka jingïakop Quiz and Drawing Competition hapdeng ki khynnah skul bad kala sam ruh aki khusnam ha kane ka sngi.