Press "Enter" to skip to content

Lahduh ki thei ka Najing Memorial Sec.School bad ka Govt. Boys Hr. Sec.School ha West Garo Hills

11 kol thep ka Little Star Hr. SS pyrshah ïa ka Domjyrti RCUPS
Shillong/Mawkyrwat, Jylliew 17: Ki thei ïalehkai jong ka Najing Memorial Sec.School bad khynnah shynrang jong ka Govt. Boys Hr. Sec.School ki la ioh ba kin rah ïa ki nam lahduh ki jong ki, ha ka lympung ïalehkai District Level Subroto Cub Inter School Football Tournament 2019 ba la pynlong ïa ka da ka ophis ka jong u District Sports Officer ka West Garo Hills District.
Ha ka jingïakhun ïa ki phainal, ha ka jingïalehkai ka U-14 ki khynnah shynrang, ka Govt. Boys Hr. Sec. School ka la lah ba kan pynliem noh ïa ka Capt. William School, ha ka U-17 ki shynrang la rah biang ïa ka da ka Govt Boys Hr.Sec .School hadien ba ka la pynliem ïa ka Dakopgre SSA School bad ha ka phainal ka U-17 ki khynnah kynthei, ka Najing Memorial Sec.School ka la lah ba kan pynliem ïa ka Don Bosco Hr.Sec School
Ha kawei pat ka khubor ba ïadei bad kane ka juh ka lympung ïalehkai, ka Little Star Higher Secondary School, Mawkyrwat ka la ïoh ban thep 11 – 0 kol pyrshah ïa ka Domjyrti RC Upper Primary School ha ka jingïalehkai jong ka South West Khasi Hills District Level Subroto Cub Inter School Football Tournament 2019 ba la pynïaid da ka Office jong u District Sports Officer, Mawkyrwat ha madan Pyndenïewlyngdoh, Nonglang.
Ïa ki 11 tylli ki kol la ïoh ban thep da u Khainkupar Iawphniaw ha ka minit kaba 2, 13, 14, 56 bad 58, u Batskhem-lang Thongni ha ka minit kaba 17, 19 bad 26, u Lapynïoh-borpat Shangdiar ha ka minit kaba 22, u Damanborlang Iawphniaw ha ka minit kaba 9, u Arbor Iawphniaw ha ka minit kaba 54.
Katba ka Rangjadong Presbyterian UP School pat ka la jop da 3 – 0 kol pyrshah ïa ka Phlangkynshi UP School lyngba u Joinkupar Thongni 20 m, u Bynraplang Thongni 28 m bad Meban-riskhem Thongni 46. Ka Umjarain RCUP School pat ka la jop da 9 – 0 kol pyrshah ïa ka Maharam Hr. Secondary School, Mawkyr-wat. Ka Marshilong Presby-terian Hr. Secondary School ka la jop da 2 – kol pyrshah ïa ka Lawblei COG. Ka Synrang Syiem UPS, Rangmaw ka la pynliem noh ïa ka Balang Mawlangwir Girls’s Secondary School da 4 – 0 kol.
Ha ka jingïalehkai kaba dei hapoh madan MDSA pat, ka Lyngdoh Wanniang SS ka la shah rem noh da 1 – 0 kol ha ka Jakrem Presbyterian SS. Katba ka Horirai Syiemlieh Hr. SS ka la jop pyrshah ïa ka Rodphod Secondary School da 1 – 0 kol. Ka Balang Mawlangwir Hr. SS pat ka la pynliem noh da 3 – 0 kol pyrshah ïa ka St. Mary’s Secondary School, ka Lum Tongun SS ka la jop da 1 – 0 kol ïa ka Presbyterian Secondary School, Maw-langwir bad ka Mawjarain Pres. SS pat ka la jop pyrshah ïa ka Mawkyrwat Pres. SS da 2 – 0 kol.