Press "Enter" to skip to content

Thung ka JHADC da ka Inquiry Committee halor ka jingkynnoh thungkam be-aiñ

Jowai, Jylliew 25: Ka Jaiñtia Hills Autonomous District Council (JHADC) kala phah thaw da ka Administrative Enquiry Committee ban tohkit halot ka jingthungkam beaiñ hapoh ka konsil.
Ka kynhun jong ki sengbhalang ka Fight Againts Curruption Team (FACT), Hynñiewtrep Youth Council (HYC-JHD) bad ka Hynniewtrep Natioanal Youth Front (HNYF-WJZ) kila pynpaw ba ka EC kaba ïalam da u ma Thombor Shiwat CEM JHADC kala thaw ia ka Adiministrative Enquiry Committee (AEC) ba khlieh da u Judge ka Council u J. Khyriam ban thongkit iaka jingkynnoh thungkam ïaki 56 ngut.
Kane ka jingtohkit ka EC kan pyndep hapoh 30 sngi bad kala iaid shait shait mynta bad hadien ka jingtohkit ka EC kan sa ai iaka rai.
Ki nongialam ki lai seng kiba kynthup ia u Executive
Secretary FACT u Diamond Dhar, President HNYF Howniwot Sutong bad General Secretary ka HYC u Roming Star Lamare, ki la ong ba katkum ka jingiaid lynti jong kitei ki lai tylli ki seng iaka Budget jong ka Council 2018-2019, la lap ba don tang 7 tylli ki post ba dang thymmai kiba la sanction ha ka budget, kita ki long 2 tylli haka CWD bad san tylli pat hapoh ka Education Department.
Ka Council Service rule 1981, Rule 9, ka kdew shai ruh ba ka EC ka lah ban thaw ia ki post kiba long permanent ne temporary kiba hapoh ka budget Estimate jong ka Council.
Kine ki lai seng kila pynpaw ruh ba katkum ka rule 11 jong ka Council Service rule 1981, ba ka jingthung kam kan long beit da ka jingpynbna paidbah ne Advertisement kumjuh ruh ka jingialeh iaki Competitive Exam bad ka Personal Interview, na ka bynta ban thung kam ia ki nongtrei Grade-IV, hynrei katkum ka jinglap jong ki lai seng katei ka EC barim kaba ialam u MB Rymbai kum u CEM ka la pynkhein ia kane ka aiñ jong ka Council.