Press "Enter" to skip to content

Da ka aiñ ba khlaiñ wanrah ka Sorkar NDA ban ïada ïa ka rukom trei ki nongthoh khubor

Shillong, Naitung 10 : Ban pynurlong ïa ka “Sabka Saath, Sabka Vikaas bad Sabka Vishwas”, ka sorkar NDA hapoh ka jingïalam u myntri rangbah duh ka ri u Narendra Modi ka la rai ban pyntreikam noh da ka kyndon aiñ ba khlaiñ bha ban ïada ïa ka koid ka khiah bad ka rukom treikam jong baroh ki nongshong shnong kiba trei ha kino kino ki jaitkam ruh kata naduh ki nongthoh khubor, ki nongbylla sngi, ki nongtrei ha ki karkhana, ha ki dukan, ha ki kompani pynmih biri, sikret bad ter ter.
ïa kane ka aiñ ba khlaiñ kaba la tip kum ka Code on Occupational Safety, Health and Working Conditions Bill, 2019 bad yn wanrah ban pynlong aiñ hapoh kane hi ka jingïashong dorbar ha Parliament. ïa kane ka aiñ ba khlaiñ la thaw kyrpang da kaba kynthup ïa 13 tylli ki Central Labour Act.
Kine ki aiñ sorkar pdeng kiba la kynthup lang ha kane ka aiñ ba thymmai bad ki ban duh noh ka jingtreikam hadien kane kaba thymmai ka la long aiñ ki long ka “The Factories Act, 1948;
The Mines Act, 1952; The Dock Workers (Safety, Health and Welfare) Act, 1986; The Building and Other Construction Workers (Regulation of Employment and Conditions of Service) Act, 1996; The Plantations Labour Act, 1951; The Contract Labour (Regulation and Abolition) Act, 1970; The Inter-State Migrant workmen (Regulation of Employment and Conditions of Service) Act, 1979; The Working Journalist and other Newspaper Employees (Conditions of Service and Misc. Provision) Act, 1955;The Working Journalist (Fixation of rates of wages) Act, 1958;The Motor Transport Workers Act, 1961;
Sales Promotion Employees (Condition of Service) Act, 1976; The Beedi and Cigar Workers (Conditions of Employment) Act, 1966; bad The Cine Workers and Cinema Theatre Workers Act, 1981”.
Kane ka aiñ kan treikam bad pyrkhing bha na ka bynta ki nongtrei ba kumno kin shngaiñ ha ka jingtrei jingktah, ka koid ka khiah jongki, ka rukom treikam jongki, kim dei ban shah thombor, ym dei ban pynkhia than ïa ka kam ba ki trei, ym dei ban ñiew shilliang khmat bad ter ter.Kane ka aiñ kan treikam naduh ki kompani ne karkhana ba heh haduh ki jingtrei kiba rit kiba lah ban don wat tang 10 ngut ne palat ki nongtrei ruh.
Kane ka aiñ kan teh lakam pyrkhing bha ïa ki nongthung kam ruh nangne shakhmat kata tang shu long aiñ kane ka kyndon aiñ ba thymmai.