Press "Enter" to skip to content

224 tylli ki mukotduma pynkut ka Iingbishar High Court ha ka National Lok Adalat

Shillong, Naitung, 13: Ka Meghalaya State Legal Services Authority kaba la pynlong ïa ka National Lok Adalat mynta ka sngi saitjaiñ ha ka jylla State of Meghalaya ka la lah ban pynkut noh haduh 224 tylli ki mukotduma.
Ha kane ka National Lok Adalat la lah ban ïapynbeit ruh haduh T. 4,22,82,004 klur ka pisa. Ha Iingbishar High Court la lah ban ïapynbeit T.2.17 klur ka pisa.
Kane ka jingpynkut ïa ka mukotduma ka dei lyngba ka jingpeit jingkhmih jong ka National Legal Services Authority (NALSA) bad u Chief Justice ka Iingbishar High Court u Justice Ajay Kumar Mittal uba long ruh u Patron-in-Chief jong ka Meghalaya State Legal Services Authority (MSLSA) bad hapoh ka jingpeit jingkhmih jong u Justice H.S. Thangkhiew, u Nongbishar ka Ingbishar High Court bad u Executive Chairman jong ka Meghalaya State Legal Services Authority.
Ki don haduh 647 ki Pre-Litigation case bad 436 ki case ba sah pongding ba la wanrah hapoh ka National Lok Adalat ban ïa pynbeit. Kine ki mukotduma ki kynthup ïa ka MACT, Bank Recovery, mukotduma paidbah bad kiwei kiwei ki kam runar.
Ka Meghalaya State Legal Services Authority ka pynpaw ïa ka jingsngewnguh kaba khraw ïa u Justice Ajay Kumar Mittal u Chie f Justice jongka High Court bad ïa u Nongbishar u Justice H.S. Thangkhiew, ïa u Executive Chairman jong ka Meghalaya State Legal Services Authority na ka bynta ka jingpeit jingkhmih, ka jingpynshlur bad ka jingai mynsiem ban pynlong ïa kane ka National Lok Adalat kaba jop ha ka jylla Meghalaya.