Press "Enter" to skip to content

Ka bor treikam jong ka jaidbynriew

(L) Dr.Hamlet B.Ngapkynta,
Chairman Bah A.S.Dkhar,
Vice Chairman

Ka Bor treikam jong ka Jaidbynriew ka la hiar palat ïa kaba kut ka spah snem na kine ki daw harum:-
1. Ka jingkangar ïa ka bamsap- lane ka spah ïoh suk, khlem trei shitom bad jaw umsyep nalade ka la sliah ïa ka bor tei shitom jong ka Jaidbynriew. 2. Ka jingpyndonkam ïa ka benami, la jan baroh ki jait jingtrei bad jingshakri, kaba la khie kynrei da ki rukom pyntreiam ba bun bah, ka sloit khlem artatien ïa ka bor treikam jong ka Jaidbynriew. 3. Ia ki jingtrei bun jait kum ki kam mali dubi, nongpynkhuid phyllaw lane ïing shong briew bad jaka trei, nongtyrwa ïa ki mar die mar thied, nongap dukan, nongsumar ïing, nongri khunlung bad hajar ki nongtrei khutia mutia, ki la leit la jan baroh, sha ki bar ri, nalor ba ki long kiba la lah bun paid lypa, katba ma ngi pat ngi sah ha ka shaïong, khlem lah khyllie bai seng shuh. Kumta ka spah kaba da ka ïoh nong bun bah, ka la shu sakma ei, baroh shikatta sha ki bar ri.
4. Ka jingwan tyllep ki paidb bar ri nabar da ki kynhun bunbah, bad ki lad pyntreikam ba ki ïoh bat, ka long kaba i pynjngut bad pyni shyrkhei dei namar ba ngim shlan trei dalade. Nalor ba ngi ki Trai Ri ngim lah treikam pura; kane ka jingshaniah jingtrei, ha ki bari ri, ka la wanlam baroh shi katta ïa ka jingtyrkhong um kaba la palat pud shisha shisha; ka jingwan tyllep bad jingshlei u paid ïa khleh khaw lang, ka dei ban don la u pud, namar lada ka tyrkhong um palat ngin hap ha ka apot bah khlem khie khlieh shuh, ïap nyngkong ma ngi ki Trai Ri ki kynrad ha kane ka Lympung Ri jong ngi kumba-
a) Ngim dei naduh hyndai ki snar bad radbah treikam ha baroh ka jait.
b) Ki jingjia ba i shyrkhei baroh sawdong pyrthei ki pynbor mynta ba ngin pynkha bad pynïar ïa ki Jylla treikam ryngkat bad ka jingkitkhlieh ha baroh ki Bhah treikam ha kane ka Ri khlem da buh teng. 5. Ki Sap- Treikam jong ka Jingtrei-ni bad jlih jong ka jaidbynriew ki nangsep bad randien katba ka rukom treikam ki nongtrei bar ri, ha ki phew hajar ki jaitkam, i kumba ki khie tlot lymda ka kynja bor thymmai aïu re ka wan tyllep bad khyllie bor- kaba bsa ïa ka jingtreikam ka Jaidbynriew kaba ïar bad san suki hamar ba wan ïuh kjat u Ar hajar snem. Lada ïar bad roi ka jingbun briew jong ngi, bad lada ïar bad shlei, u jaidbynriew ïa khleh khawlang hangne, naduh na ki skul haduh ki jaka trei baroh, ka jingtyrkhong jingtrei’ kan khñiot bad ban kylla ïa ka pateng ba bud lymda ki khun samla mynta- ki phikir bad sei bor tyngeh tyngeh ban ïada na kane ka jingtyrkhong jingtrei bad bsa jingtrei ïa ki briew la jong ba kan khim khait bad kyrduh kam.
Ka bamsap bad ki rukom treikam benami, kiba khie kynrei, ryngkat bad ka jingbym lah jong ngi ki Trai ban trei nadong shadong dalade, kine baroh, kin ktah kylla khamtam lada ka spah kaba kiba ïoh ba kot lane kaba ma ngi ngi lum baroh shi katta, ka pra lane sakma bad dung kylla ïa ka pateng ba bud.Ka spah ka shong ryntih katba ki kup ki sem shiliang ki nang jynjar nalor ba ka kyrduh kam ka ban pynkotdit ïa u paidbah bun shah. Ka jingkynrei ka bamsap ka ïoh lum thup,ïa ka tyngka ïoh suk, ka wallam bun shah ka jingbym biang, ka la sloit bad sangah ïa ka bor pynmih ïa ki mar ki mata ba ha khmat duh ïa ka jingdonkam ki briew ha ki man ka sngi kiba ngi la dei ban leh naduh mynshuwa. Ha ka rep ruh ngim shym la lah khie khlieh ha ki mar rep kiba pynmyntoi bad ïohnong kloi kloi.
Ki mynder ri ki bat ïa ka bor khaïi shikatta, khlem lah pynkhih. Kane ka pyni shyrkhei ba la tlot palat ka bor treikam jong ka Jaidbynriew ha kane ka khep kaba pynpaw ruh ba ka jingjot baroh sawdong ka nang pyntwa ruh ïa ka longbriew. Ki paid nongshong shnong baroh sawdong i kumba ki sahdien ne hiar pynban ha ka bor treikam,bor kamai, bor kynshew pisa bad bor pynmih jingtrei.Ka dei ka jingkhie khlieh ha ka bor treikam kaba pynshlei ïa ki Sap ki Phong treikam naduh mynta bad ka jingpyn thymmai ïa ka bor treikam ha ki lyngkha bunbah bun skit kaba pynphuh ïa ka imlang ka sahlang , ka khaïi pateng, jingnang jingstad bad kaba ktah ïa u klongsnam ba ïai kynshait jingim bad pynïar bunskit ïa ki kam pynmih mar bad pynmih jingtrei na ka bynta ka jingbit ka pateng mynta.Ki jingpyntreikam baroh hadien ba ngi bishar bani kim banse ban bud ïa ki nongrim (Bteng Sla9)