Press "Enter" to skip to content

Pynlong ka Excel Muscle Gym ïa ka jingïakop rah nar khia

Shillong, Naitung 19: Ha ka sngi Balang jong ka taiew ka Excel Muscle Gym ka la pynlong ïa ka 2’nd Annual Social Meet Power Lifting Competition 2019 na ka bynta ki nong kilan met ha kane ka Gym. Kane ka jingpynïakhun ïa ki rang bad ki thei lehkai pynheh dohksah ka long ruh shi bynta ban ioh noh synñiang sha ka Jyoti Sroat School ka ba dei ka shnat treikam jong ka Betheny Society.
Ha kane ka sngi la wan ban ïashim bynta kumba 80 ngut ki rang bad thei iakhun, ka ba kynthup ia ka Bench Press, Squat bad Dead Lift.
Ha ki kyrdan 55-60 kg, 60-70kg, 70-80kg na ka bynta ki khynnah shynrang bad na ka bynta ki kynthei la pynïakhun kyllum khlem don ka jingthew ïa ka jingkhia.
Haba phai sha ka 55-60 na bynta ki shynrang u Andrew Wahlang u la ioh ban rah ha baroh ki laitylli ki jingïalehkai ha ka kyrdan ba nyngkong 60-70kg u Dean David Marbaniang u la ioh ïa ka kyrdan nyng-kong ha ka Bench Press, ha ka Squat u Maimai Laloo u la ioh ha ka kyrdan Nyngkong bad u Mebanker ïa ka Dead Lift ha ka kyrdan ba nyngkong,na ka bynta 70-80kg ha ka kyrdan nyngkong u Vijay Singh u la ioh ha ka Bench Press, u Wargy Momin ha ka Squat bad u Hari Kumar ha ka Dead Lift, ha ba phai sha ka liang ki kynthei ki ba ioh ïa ka kyrdan ba nyngkong ki long ka Stacey Khyllep ha ka Bench Press,ka Riya Paul ha ka Squat bad ka Suzie Tongwah ha ka Dead Lift.
Hadien kane ki nong pynïaid ki la pynïakhun ruh ïa ki lahduh ha baroh laitylli ki jingïalehkai na bynta ka nam ban ïaknieh ïa ka kyrdan Over All ka ba ki la pynïakhun da ka Dead Lift bad ïa nam jop na bynta kane ha ka liang ki shynrang la ioh ban rah da u Hari Kumar da ka ba lah ban rah 190 kg bad na ka liang ki kynthei ka Suzie Tongwah ka la ioh ïa ka nam Over All Champion da ka ba lah ban rah 85kg.
Ha kane ka sngi la ïadon lang da ka Kamo Norana ka ba dei ka Director Ka Betheny Society bad ka Principal ka kong Rosa Wahlang kiba la pdiang ruh ïa ka jingai sngewbha na ka liang ki trai ka Gym ba kynthup ïa u bah Robinson Khar-narry(President), ka kong Jacinta Kurkalang bad u Dominic Kurkalang (Trai-ner), kiba ïadon lang ha kane ka sngi ki long u Bah Fantin J.Lakadong MDC ka Laitumkhrah Malki bad kiwei kiwei ki nongshah khot sngewbha.