Press "Enter" to skip to content

Ai jinghikai ka tnad ka Koit ka Khiah ïa ki Nurse halor ka rukom sumar ïa ka jingpang Khyllai

Jowai, Naitung 27: Ka Jowai Civil Hospital, ka ophis u District Medical Health Officer, Jowai CNE (Continuing Nursing Education) Cell kila pynlong ka jingai jinghikai kaba shisngi halor ka jingpang Khyllai kaba tip kum ka ‘Chronic Renal Failure’ ha District Library Auditorium, Mynthong, Jowai haka sngi Saitjaiñ.
Kane ka jingai jinghikai ïaki nurse halor ka jingpang khyllai, ka dei na ka bynta ban kin ai ka jingsumar ïa u/ka nongpang khyllai da ki buit thymmai katkum ka jingïaid jong ka por khnang ban lah ban sumar khambha ïa u/ka nongpang.
U Ma Andrew Shullai, MDC Jowai Central ula wan ban ïashimbynta ha kane ka jingai jinghikai kum u kongsan bad Dr. E.War, Senior Pediatrician, Jowai Civil Hospital kum u symbud konsgan.
U Ma Andrew Shullai haba kren ula ong ba ka jingpynlong ïa kum kane ka jingai jinghikai ïaki nurse ka dei ka jingkyrkhu kaba khraw ba kin ïoh ka lad ban ïoh ki jingtip ba thymmai bad ki buit ba thymmai katkum ka jingïaid jong ka por ban pynjanai ïaka rukom sumar ïaki nongpang khyllai. Ula ong ba haba don ka jingnang jingtip kaba thymmai halor ka rukom sumar ïa kano kano ka jingpang, ka jingshakri ruh lah ban ai kaba bha tam.
Dr. E.War, Senior Pediatrician, JCH, Ialong ula kyntu ïaki nurse ban shimkhia ban pyndep ïaki kamram kumjuh ki jingpule jong ki khnang ban kin lah ban pynbha ïaka rukom ai jingshakri ïaki nongpang.
Kiwei kiwei kiba kren ki kynthup ïaka Kong R Rymbai, Organising Chairperson of JCH-DM&HO Jowai CNE Cell,Kong C Lamat, Assistant Organising Chairperson JCH-DM&HO, Jowai CNE kaba la batai bniah ïaka jingpang khyllai bad kumno ban lap ïaka jingpang namar ba bunsien kiba khlem ïohkem pang ruh ki ïoh ïaka jingpang khyllai kumta ka donkam ban phah test ban leit sumar tista ban lap ïaki jingpang.
Ki riewshemphang kiba la ai jinghikai ki kynthup ïaka Kong Ieidlang Dkhar kaba la ai jingbatai halor ka Anatomy & Physiology of the Urinary System, Dr. Dawanroy Nongpluh halor ka end-stage renal disease (ESRD), ka Kong Suzanne Mary Pakyntein halor ka Dialysis, Ka kong Markordor Kharshïing, Nursing Mangement, Ka kong Ivory Kharduid halor ka Health Education for Patient living with ESRD, ka Kong Sachika Lato, Group Acitivity on Nursing Care Plan for Patient with ESRD
Ka Kong J. Ryngkhlem, Treasurer of JCH-DM&HO Jowai, CNE Cell kala ai ka kyntien pdiang sngewbha ïa baroh bad ka jingai Khublei da ka kong R. Suting, Registration Committee Member JCH-DM&HO Jowai CNE Cell.