Press "Enter" to skip to content

Bat ka JSU arngut ki bar jylla

Shillong, Nailur, 27: Ka Jaiñtia Students Union (JSU) War Jaiñtia mynta ka sngi saitjaiñ ka la ïoh bat ngut ki bar jylla ba thied tiar khutia mutia hapoh ka shnong Nongtalang, War Jaiñtia Hills District.
Ïa kine ki arngut ki bar jylla ba la ïoh bat da ki dkhot ka seng la ithuh kyrteng kum u Hamsed Ali bad uwei pat ba la tip kyrteng kum u Ismail Sakl.
Ka Labour Licence ba la ïoh da u Hamsed Ali na ka ophis jong ka Jaiñtia Hills Autonomous District Council (JHADC), ka dei tang ka kam trei bylla sngi bad ka Labour Licence jong u Ismail Sakl ka dei ka laisen ba la ai jingbit ban die tiar marjot.
Hynrei u Hamsed Ali u la shim kabu da kaba leit thied tiar marjot na kylleng ka shnong jong ka Amlarem namarba kine ki angut ki sah wai shipor hapoh ka shnong Amlarem.
‘Ka Seng ka sngew phylla kumno kine ki arngut kiba ïoh jingbit ban treikam kum ki nongbylla hapoh Amlarem ki wan ban tyrwa tiar haba ïa kane ki dei ka ban ïoh da ka Trading Licence,” ong u kywoh na ka seng.
Hadien kane ka seng ka la maham ba kim dei satia ban pyndonkam bakla ïa ka laisen ba ki ïoh lym kumta ka seng kam banse ban mudui sha ki bor jong ka District Council.