Press "Enter" to skip to content

Ïa kynduh ki Doctor Ayurvedic halor ka jingkongsan ki dawai kynbat

Nongpoh, Nailar 12: Ka Himalaya Drug Company ryngkat ka jingiatrei lang bad ki Ayurverdic Doctor na ka jylla Meghalaya mynta ka sngi ki la lah ban pynlong ïa ka jingïakynduh lang na kabynta ban ia tai sani halor shibun ki mat ban kyntiew ïa ki kynbat dawai Ayurvedic kiba don ha ka jylla.
Ïa kane ka jingïakynduh lang ki doctor Ayurvedic la pynlong ha Shillong Club bad la shim bynta ruh da ki Doctor jong ka jylla Meghalaya bad wat na shabar ka jylla Meghalaya.
La plie paidbah ïa kane ka jingïalang da ka jingthang sharak bad ryngkat ka jingduwai kyrpang bad bud sa ka jingpynkup burom ïa ki kongsan jong kane ka sngi.
Nalor ki Doctor Ayurvedic kiba la wan ban shim bynta, kiwei kiwei ki doctor ba kham pawkhmat kiba la don lang ha kane ka sngi ban ai jingshai halor ka jingthmu jong kane ka jingïakynduhlang ki kynthup ïa u Dr. B.P Sharma, HOD KC Department, CACH, Guwahati, Dr. Verity Markhap, Dr. Sunity Kharmawphlang na Civil Hospital, Nongpoh, Dr. Druvopam Chakraborty, Post Manager Scientific Services, Dr. Ranjit Choudharay, Post Zonal Manager ka Himalaya Drug Company
bad ka Doctor Roselyne Mawlong kum ka Ayurvedic Doctor na Ayurvedic College, Guwahati.
Ha ka jingïakynduh lang ki Doctor, u Dr. B.P Sharma u la ai ka jingkren kyrpang ban batai halor ka jingkongsan jong ki dawai kynbat khamtam kiba ïa dei ba ki kynbat dawai Ayurvedic ba kum ka Company ka don ka thong ban kyntiew bad ruh ban pynneh pynsah khnang ban myntoi ki paidbah.
Ka Dr. Sunita ka la kren halor ka jingkongsan ki dawai Ayurveda bad ka rukom pyndonkam ïa ki dawai. Ka la ai mynsiem ruh ïa ki Doctor ba ki dei ban skhem ka jingmut jingpyrkhat ha kaba ia dei bad ka jingpyndonkam ïa ki dawai bad kumjuh ruh ban pynneh ïa ka jingiadei bad ki paidbah.
Na ka liang ka Himalaya Company ka la ai jingpynshai ruh shaphang ka jingbym biang ka bam ka dih (Malnutrition) bad ka rukom pyndonkam jong ki ïa ki dawai ban iarap ïa ki nongpang kum kita ki jaid dawai ba la tip kum ki Quista kidz.
La pynlong ruh ïa ka jingkyntip ktien halor ki dawai kynbat kiba lah ban ioh na ka jylla Meghalaya bad ka rukom pyndonkam ïa ki ba la ai jingkren kaba ba bniah da I Dr. Verity Markhap.
Shuh shuh, la pynlong ruh ka jingïatai sani kumno ba kyntiew ne ban pynkhlain na ka bynta ban ïada ne pyneh pynsah ïa ki Dawai Ayurveda ha Meghalya bad ruh ban wad bniah na ka bynta ka jingpyndonkam kum ki dawai khnang ban iarap sha ki paidbah ba ba kin sngewthuh halor ka jingkordor jong ki dawai kynbat kiba don ha ka jylla.