Press "Enter" to skip to content

Pynkhlaiñ ki Pulit ïa ka bor Pahara ban ïaid beit ka Independence Day

Shillong, Nailar 12: Ka Tnad Meghalaya Police kala pynkhlaiñ bha mynta ïa ka jingpahara ha kylleng ki jaka jong ka Jylla kum shi bynta na ka jingpynkhreh ban lah pynïaid beit ïaid ryntih ïa ka jingrakhe ‘Sngi Laiitluid ka Ri’ ha ka 15 tarik mynta u bnai.
Hangne ha Nongbah Shillong, i Superintendent of Police ka East Khasi Hills Kong Claudia A Lyngwa ila ong ba ka jingpynkhreh na ka bynta ka jingrakhe Sngi Laitluid kala ïaid kumba ju long bad ka jingtalasi kali kala sdang ïaid shaid shaid mynta hapoh ka Nongbah.
“Kane ka dei ka jingtreikam ba ju don ha Jylla jong ngi namar ngi hap ban pynkhreh lypa ïoh don kino kino ki jingpynthut. Namar kata, ka motto hangne ka long kham lah ka jingshngaiñ ban ïa kaba sngewsih” ila ong.
Ine i Heh Pulit i ong ba baroh ki Police Station ha ki jaka khappud la dep ban bthah ba kin pynjur ïa ka jingtalasi bad bynrap ba wat ki Special Operation Team kila ïaid shaid shaid mynta ban pahara.
“Ngi kwah ban pynlong ïa ki paidbah ba kin sngew shngaiñ bad kadei ka dei ka jingmut kaba don ha baroh ki Heh Pulit kiba treikam hapoh ka Jylla. Ngi kwah ba ki jingrakhe Sngi Laitluid ne Republic Day kin long kiba phuh baphieng bad ba ki paidbah kin iamih bad ïaid laitluid ym kumba long ha ki snem bala leit noh. Ngim kwah shuh ba ka Nongbah kan phai dien biang sha kine ki sngi barim. Ngi kwah ba kan long beit kumne kumba long mynta” ong i Kong Claudia.