Press "Enter" to skip to content

Yn phah jurip u Myntri ïa ki Ophisar halor u khniang pynjulor ha Warmawsaw

Shillong, Nailar 12 : U Myntri ka tnad kam rep kam riang (Agriculture) bad kam ri khniang ( Sericulture) u bah Banteidor Lyngdoh u la ïathuh ba un sa phah ïa ki ophisar jong kine ki tnad ban leit jurip sha ka thaiñ Warmawsaw, Ri Bhoi District halor ka jingwan pynjulor uta u khniang ‘Saidsaidho’ uba ki ju sin ha katei ka thaiñ ïa ki sla dieng ryndia kiba dei ki sla ban bsa bam ïa ki ‘Niangryndia khnang ban thaw lad kumno ban pynduh jait ïa utei u khniang bad kumjuh ruh ban sngewthuh ïa ka jingeh jong ki paid nongrep ha katei ka thaiñ.
Katei ka thaiñ Warmawsaw ka dei ka thaiñ kaba ri bha ïa u khniang Ryndia bad pynmih ruh ïa u sai Ryndia na utei u khniang. Na kata ka daw ki rep bha ïa utei u dieng ryndia ban bsa bam ïa ki khniang. Hynrei mynta u snem da kane ka jingwan hiarthma utei u khniang u la bam duh ïa baroh ki sla ryndia bad kane ka la buh ïa kito ki nongri khniang ryndia ha ka jingeh nangno pat kin ïoh ban bsa bam ïa u khniang uba ai jingkyrshan ïa ki ban pynbit pynbiang ha ïing ha sem.Ryndia bad pynmih ruh ïa u sai Ryndia na utei u khniang. Na kata ka daw ki rep bha ïa utei u dieng ryndia ban bsa bam ïa ki khniang. Hynrei mynta u snem da kane ka jingwan hiarthma utei u khniang u la bam duh ïa baroh ki sla ryndia bad kane ka la buh ïa kito ki nongri khniang ryndia ha ka jingeh nangno pat kin ïoh ban bsa bam ïa u khniang uba ai jingkyrshan ïa ki ban pynbit pynbiang ha ïing ha sem.