Press "Enter" to skip to content

Ai jinghikai ka JSNNH Presbytery halor ka jingktah ki jingdih ba pynbuaid

Jowai, Nailar 12: Ka Socio Economic Life Development (SELD), Jingïaseng Samla Nangbah Nongjngi Hadem Presbytery (JSNNHP) kala pynlong ïaka jingai jinghikai halor ka artylli ki mat, ka jingmlien ba sniew haka jingdih pynbuaid bad ka jingktah (negative) ka social Media (khubor paidbah) haka Balang Presbyterian Nartiang haka 10 tarik une u bnai.
Ïa ka jingialang la pynïaid da u Rev. K Laloo uba dei u President katei SELD bad U Ma Dawan Lyngdoh, MDC ka Mynsngat Khanduli u la long u kongsan.
Ki riewshemphang kiba la ai jinghikai ki kynthup ïa u Bah Lakador Syiem, Suprintendent of Police, West Jaiñtia Hills halor ka phang “Ka jingmlien ba sniew haka jingdih ba buaid” bad U Rev. W Shylla, MTh. (Christian Education) halor ka phang “Ka jingktah ka social Media (Khubor paidbah)”.
Ïa ka programme la sdang lyngba ka jingduwai u Missionary R Mawlong, haba ïadei bad ka phang ka jingmlien ba sniew haka jingdih ba buaid u Bah Lakador Syiem u la ai ïaka jinghikai kaba ula batai shai bha ïaki jingsniew kiba mih lyngba ka jingbuaid haka kiad, drugs bad kiwei kiwei ki jingdih ba buaid.
Ula ïathuh kumno ba la shna ïaka kiad bad kiwei ki jingdih buaid da kaba kumno ki jait tiar bala pyndonkam. Hadien nangta pat la batai ba kumno ka kyiad ka ktah ïaka met, kata nadu u dohnud (uLiver), Dohlah (Pancrease), ksang (Bile), ka jingpang dap lyer (Gastrointestinal Disorder), Cardiovascular System Disorders, Psychitric Disorder, Musculoskeletal Disturbances, Autonomic Nervous system bad Chronic Neuropsychiatric Disorder.
Ka kynrei ki nongdih buaid kala jyllei bha bad ka jingmih na kane ka long kaba sngewsih ban ïohi ba ki longing longsem ki pait ki pra naka daw jong ka kyiad, bad bun ki khun ki ïapthngan namar ka jingngop jong ki kmie ki kpa haka jingdih buaid(kyiad & Drugs). Ka jinghikai jong u kala kdew ruh naka ktien u Blei (Bible) ka ong baka “jingdih buaid ka long ka pop pyrshah iala ka met bad pyrshah ïa U Blei, bad kiba leh kumne “kin ym ioh kein iaka Hima U Blei”(I Kor.6:10). Hynrei ym dei ban kynnoh ïaki nongpop hynrei ban ïasyllok bad sneng ïaki naka ktien U Blei daka jingieit.
U Rev.Wanbok Shylla ula ai jinghikai halor ka phang “Ka jingktah (negative) ka social Media” u la ai iaki jinghikai da kaba ong ba ka jingkiew sted jong ki kor ki bor (technology) ka long ruh ka daw kaba la pynlong ia ka jingmih bad ka jingsan jong ka social media. U la batai ïaka jubab; Kaei ka social media? Kiei ki jait social media kiba ngi iohi ha kine ki sngi? Kumno ka social media ka trei kam? Kaei ka jingiadei ka Social media bad ki samla.
Ha kaba kut ka jingai jinghikai u Rev. Wanbok Shylla u la batai na ka ktien U Blei, 1 Kor 10: 23 Kiei kiei baroh ki long kiba dei ia nga, hynrei kiei kiei baroh kim long kiba myntoi keiñ; kiei kiei baroh ki long kiba dei ia nga, hynrei kiei kiei baroh kim tei.
Lyngba kane ka Awareness programme baroh ki nongïashim bynta kiba la iapoi kumba 120 ngut shynrang bad kynthei kum ki nongmihkhmat naki balang bad shnong bapher bapher jong ka thain Nangbah Nongjngi Hadem Presbytery ki la ïoh ïoh shibun ki jinghikai. Bad ruh kila ia shim bynta laitluid bha haka plenary session rynkat bad ka jingkular ban im beit im bha katkum ka mon ka jong u Blei, iaka programme haka ka sngi la pynwai da ka jingduwai U Rev. PO Thubru.