Press "Enter" to skip to content

Plie u Rev. P Hynñiewta ïa ka New Bible Bookroom ka Word of Christ Ministries

Shillong, Nailar : U Rev.P Hynñiewta hynne ka sngi u la plie ïa ka dukan kaba la ai kyrteng da ka New Bible Bookroom kaba don ha KJP Assembly Conference Centre kaba don pyrshah ia ka State Central Library, Shillong.
Hashuwa ban plie ïa kane ka dukan die Bible bad kiwei ki kot ba la thoh da ki nongthoh ba bun halor ka Ktien U Blei, u pastor P Hynniewta kum u kongsan u la pynpaw ba kane ka dukan Bible Bookroom kan pynmyntoi bah ïa ki paidbah ka thaiñ bad ïa ka jylla hi ruh baroh kawei.
“Nga kmen ba mynta ka sngi ngin ïoh ban plie ïa kane kamra bad nga kyrmen ba kin lah ban pynbiang ïa kiba bunjait ki kot,” ong u kongsan.
U la pynpaw ruh ïa ka jingkyrmen ba baroh kin ïoh jingmyntoi shisha na kane ka kamra dukan, ha kaba u la ong, “Nga da thrang bad kwah shisha ba kane ka Bible Bookroom kan long ka jingkyrkhu ïa baroh kiba pule bad ba ka Word of Christ kan kiew na kawei ka por sha kawei pat.
U kyrmen ruh ba baroh kiba wan rung ha kane ka kamra ba kin kmen bad kin ïai wan ha kane ka Kamra.
U pastor C Marpna u la pyntip ruh, ba na ka bynta ki samla pule ka don ka special discount ne yn die kham duna dor kaban long naduh mynta ka sngi ka 21 tarik haduh ka 31 tarik u Nailar. Katba na ka bynta ki pastor kan don ka discount kaba kin ai baroh shisnem lynter, kaba long kumba 20 percent eiei.
Hahuwa kane u Brother Prabhu, u la pynpaw ïa ka Word of Christ Ministries la sdang naduh u snem 1986 bad deki ha u snem1996 ab ki la sdang ban wan ïuhkjat ha nongbah Shillong.
U la pynpaw ruh ba ki la sdang ïa kane ka jingdie kot da ka jngngeit, khlem ka jingbei tyngka jongno jongno.