Press "Enter" to skip to content

Kylla dur ka wah Lukha hapoh ka jingsumar ka STEDS bad ka 6-Shnong Wah Lukha Association

Khliehriat Nailar 24:Ka Wah Lukha,kawei na ki wah ba pawkhmat ha East Jaintia Hills kaba don mynta hapoh ka jingsumar jong ka 6-Shong Wah Lukha Association bad ka Sonapyrdi Tourism And Economic Develop-ment Society,ka dei kawei na ki jaka jngohkai pyrthei ha East Jaintia kaba ju khring ïa ki nong jngohkai pyrthei kiba na jan bad na jngai bad haba phai sha ka mynnor la ong ba kane ka wah ka dei ruh ka wah kaba khring ïa shibun ki rawon na kylleng ki jaka ban pynbyrngia ïalade ha kaba khwai dohkha.
Kum shibynta ban pyn paw pyrthei ïaka jingitnnad ka jaka ba kynthup ka wah bad ki shyiap rud wah (River Beach),ka STEDS myn ha ka 1 tarik bad 2 tarik u Rym phang 2019 ka la pynlong da ka tamasa ba la tip kum ka Lukha River Festival ha kaba la wan ban sakhi da ki hajar ngut ki paidbah.
U bah Daiapherbha Lamare,President jong ka STEDS u la ïathuh ba “Ka jingthmu jong ka Society ka long ban pynlong ïa kane ka jaka kum ka jaka jngohkai pyrthei bad kumjuh ruh ban ïada ïa kane ka wah bad ki khlaw bar ben na ki jingshah dakhol ha ki bor ba na bar,namar ngi don ka jingmut ban pynneh pynsah ïa ki dohkha,ki jingthaw ba im ha um bad kumjuh ruh ban pynneh ïa ki khlaw kiba rben,ban kyntiew ïaka kam jngohkai pyrthei ha Ehg
U la ïathuh ruh ba na ka liang ka Society bad ka 6-Shnong Wah Lukha Association ki ju pynmih pisa ne Fund na lade hi ban ai nong ha ki briew ba kin pynkhuid bad sumar ïaka wah bad ki khlaw sawdong bad ong ruh ba kat haduh mynta kim pat ju ïoh kano kano ka jingïarap na ka liang ka sorkar.
U la ïathuh ruh ba lada don kino kino kiba kwah ban wan sah miet ha kane ka wah (River Beach) kin sangewbha ban pyntip sah ki dkhot, khnang ba kin shim khia ban pynbiang ïa kit rep sah miet (Tent House).
Kumjuh ruh la ong ba u bah Allan West,Chairman jong ka Meghalaya Ruural Tourism Forum (MRTF) u ju ai buit ai bor ïa ki dkhot ka Society halor kumno ban pynneh pynasah ïaka jingitynnad ka wah bad ki khlaw ba don sawdong,u la ai ruh ka jingiaroh ïaka jingitynnad ka jaka ha Sonapyrdi.