Press "Enter" to skip to content

“ Ngim lah ban pyntam ia kaei kaba u Blei u la pyndep ”

weekly column
“Ki Symboh ka jingim”

KA DKHOT BIBLE MYNTA KA SNGI
Hynrei haba la paw ka jingleh sbun U Blei U Nongpynim jong ngi bad ka jingieit jong u sha u bynriew. u la pynim ïa ngi, ym na ki jingleh ka hok kiba ngi hi ngi la leh, hynrei katba kum ka jingisynei, da ka jingsait ka jingkha arsien bad ka jingpynthymmai U Mynsiem Bakhuid, ïa uba u la theh noh kyrhai ha ngi, da u Jisu Khrist U Nongpynim jong ngi. SHA U TITOS 3:4-7
Ka long kaba sngewtynnad ban buh dak ne kynmaw halor ka jingjia ha ka Bible jong uto u briew uba dkoh uba la ïoh mad ïa ka jingpynkhiah ha ka jingialap jong u Paul ha Lystra ba tang da kaba ïohsngew ïa ka Gospel jong ka jingaiei ka la wanrah ïa ka jingiapyrshah ïa kane Ki Jiw kiba ha katei ka shnong kiba dang bat skhem ïa ka Hukum jong Jutang Barim ki la wan ban peit ïa ka jingkhih win halor kaei kaba la jia, haduh ba ki la lah ban pynngeit ïa ki paidbah ban ïashah sha ka liang jong ki, bad ki la sdang ban ïa kawang maw ïa u Paul bad ki la ieh noh ïa u ban iap (Kam ki Apostol 14:19).
Ka gospel kaba u Apostol Paul u la ialap kam dei ka Gospel kaba pynsngewbha ïa ki briew bad la pyrshah ïa kane da ki riewbat hukum kat sha kaba u leit ban ïalap. (Ki riewniam ha ki sngi kiba mynta ruh ki dang ïai leh ia kane ka kam. Nga ju khot ïa ki ki riewniam leh donbor ne “religious mafia”, kito kiba shaniah ha la ka jong ka jinglah da ka bor la jong ba kin kot sha kata ka jingïoh ïa ka hok da lade) Wat la katta ruh u Paul, u ïai ïalap ïa ka jingshisha jong ka gospel wat la ka long ba un hap ban shah kawang maw ruh da kita ki briew kiba pyrshah ïa u bad ruh bunsien u la shah beh noh shabar ki shnong. Balei ? Namar ba ka gospel ka dei ka bor jong u Blei na ka bynta jong ka jingpynim! AMEN
Hato phi ïatyngkhuh bad ki jingeh kiba phim i lah shuh ban pynkylla ha kane ka sngi? Hato phi nud ban shaniah ha u Blei naka bynta ban ïoh ia ka jingjop ne kwah ban ïohi shuh kham bun shuh ïa ka bor jong U ha ka jingim jong phi, ha ka jingkoit jingkhiah, ka jingbit jingbiang ne ka kam ka jam? Lada ka long kumta, pynthikna ba phin iohsngew ïa ka gospel kaba u Paul u la ïalap. Nga pynshlur ïaphi ban batskhem ïa ka jinghikai babha kaba dap da ka khubor babha jong u Jisu. Katta katba phi nang ïohsngew shaphang u Jisu, Ka jingbhabriew jong u, Ka jingmap jong u, bad kaei kaba u la pyndep halor ka diengphna, katta katba phin sangeh ban ai jaka ïa ka malade, ka jngpyrkhat ïa ka jingduna jongphi, ki jingtlot jong phi: phin shem ba yn pyndap noh ïaphi da ka jingpyrkhat shaphang jong u Jisu, Ka burom jong U, Ka jingjanai jong U bad ka Jingaiei jong U, bad ka jinglaitluid, ka jingpynkhiah pura kan jia ha ka jingim jongphi !
Ka Josephine, kaba sah ha Virginia, ka la bynrap da kaba dohnud kaba sngewshem mynsiem “AMEN” halor katei ka jingshisha. Ka dang don dang ha ka rta ba arphew snem bad ka la long ka Khristan naduh ba ka dang rit Hynrei, ha ka por ba ka la leit Kolej, ka la ïakhun ïa ka thma kaba ka la shah rem jong ka jingduh jingkyrmen kaba la neh hynniew snem. La sumar ïa ka, da ki dawai bad jingbatai kumno ban leh, bad ka la hap ban nang pynbun shuh shuh ia ka jingdih dawai hynrei kam shym la ïoh jingiarap hynrei ka la sngew nangkham sniew shuh shuh bad ka ïaibteng ha ka jingim kaba sheptieng. Ki briew ki la ïai ong ïa ka ba ka donkam ban ieit khambun shuh shuh ïa u Blei, hynrei kam shym la thew ïa kata. Ka la iakhun bad ka jingduh mynsiem (depression) kat haduh u pud ba kam shym la lah shuh ban khia na ka jingthiah man ka step namar ba pynshitom ïa ka jingpyrkhat jong ka.
Ka kmie jong ka, ka la ai ha ka, ia kawei ka kot ba iadei shaphang ka jingaiei U Blei bad hadien ba ka la pule, ka la thoh sha u nongthoh jong kata ka kot ba hadien ba ka la pule ia katei ka kot bad pdiang ia ka jingieit jong U Blei bad shaniah ha kaei kaba u Jisu u la pyndep halor ka diengphna, ka la ioh ban mad ia ka kambah jong ka jingpynkhiah. ka la ong “ nga la ioh hikai ban shu ong, Blei, nga tip ba ngam lah ban jop ia kane da lade hi. .Nga shaniah he Me bad Me im ïa ka jingim kaba jop na ka bynta jong nga. Nga tip ba ngam lah ban jop ia kine ki jingpyrkhat da lade hi hynrei nga lah ban shaniah ha Me”
“Mynta nga im ïa ka jingim kaba kmen bad kaba suk mynsiem kaba ngam ju lah ban mutdur ba kan lah ban long na ka bynta jong nga. Nga la shoh jingïeit eh bad u Nongpynim bad mynta dei ka gospel kaba don jingmut. U la ieh shuwa ïa nga bad pynkhiah ïa nga, bad mynta ngan don ïa ka jinglah ban ieit bad im ha kaba suk bad kaba kmen. Kumba ka ktien ka ong, ban tip ia ka jingshisha ka pyllait luid ia nga!”
Hato kata kam long mo ka jingphla kaba phylla ïa ka bor ba tang da kaba ïohsngew bad ngeit ïa ka gospel jong ka jingaiei. Paralok baieit, lada phi la ïakhun bad kum katei ka jait jingeh, ïai bsa ïalade da kata ka jingkynrei jong ka jingaiei U Blei da kaba ïohsngew bad ïai ïohsngew ïa ka gospel. Wat shah ïano ïano ki riewniam ban pyntam nalor kaei kaba u Blei u la pyndep halor ka diengphna u Jisu Khrist ha kaba ïadei bad ka jingïohmap noh ïa ki pop jong phi. La dep ban map noh ïa ngi na ki pop baroh tang na ka daw ba ngi ngeit ha u Jisu ! Khlem tam khlem duna. Kane ka dei ka Gospel kaba u Paul u la ïalap. Bad haba phi bat ïa kane ka jingshisha bad shu ngeit ïa ka, phin ïohi ïa ka bor jong U Blei ba ka wan ban ïashem ha ki jingeh jong ngi ban ai ha ngi ïa ka jongjop kaba ngi donkam.
KA JINGPUSON MYNTA KA SNGI.
La map noh ïa nga na baroh ki pop tang da kaba ngeit ha u Jisu ! Khlem tam, khlem duna.

KA JINGDUWAI MYNTA KA SNGI
Ko Pa, ainguh ïa Me na ka bynta kaei kaba me dang ïai trei haduh mynta ban pynthymmai ïa ka jingpyrkhat jong nga da ka jingngeit kaba dei biang kat kum ka nongrim jong ka jingshisha bymjukut na ka ktien Bakhuid jong Me. Plied noh ïa ki khmat jong nga ban ïohi barabor ba la map noh ïa nga na baroh ki pop tang na ka daw ba u Jisu u la shim ïa ka jaka jong nga halor ka diengphna. Nga ngeit ïa kane ka jingshisha da la dohnud baroh bad mynta ka sngi nga jied ban kyntait lut ïa kiei kiei ki jingpyrshang ban pyntam ha kaba ïadei bad kane ka jingiohmap bad ka jingioh hok kaba nga don lyngba u Jisu Khrist. Da ka jingaiei jong Me ngan jop ïa ka jingkhia jong ka jingmut jingpyrkhat bad ngan mad ïa ka jngpynkhiah ha ka met. Nga ngeit ba Me ïai trei na ka bynta jong nga ban pynkylla ia kane ka jingduh mynsiem (depression) sha ka jingkmen, ka jingpang sha ka jingkoit jingkhiah bad ka jingkyrduh sha ka jingpahuh katba na nang ban shaniah ha ka jingaiei jong Me- AMEN
(Pule Deuteronomy 28:2, Issiah 26:3, Philipi 4:8)