Press "Enter" to skip to content

Rung ka skul H. Elias sha ka final Subroto Cup

Shillong, Nailur 15: Ka H. Elias Higher Secondary School, Nongthymmai, ka la ïoh ban rung sha ka jingïakhun phainal ha ka lympung ïalehkai Diamond Jubilee Subroto Cup International Football tournament U-17 (Boys).
Katei ka jingjop kadei hadien ba ka la pynliem noh ïa ka Jharkhand da 3-2 kol ha ka jingïakhun ïa ka semi final kaba la long ha Ambedkar Stadium ha Nongbah Delhi.
Ka H.Elias HSS ka la lah ban pynliem noh ïa ka Skul na Jharkhad lyngba ki kol ba la thep da u Wadajied K Ryngkhlem, u Glennny Lynrah bad u Benjamin Diengdoh.
Kumta lyngba kane ka jingjop ka H.Elias HSS kaba la mihkhmat ïa ki skul na Meghalaya kan pynkhreh ban ïakhun phainal pyrshah bad ka Bangladesh ha ka 17 tarik Nailur.