Press "Enter" to skip to content

Pynhap pyrda ka Nongpathaw ïa ka 1st Knockout Women FT

Shillong, Nailur 16: Ka Nongpathaw Dong Maw-myrsiang ha ka sngi Saitjaiñ ka la pynhap pyrda noh ïa ka First Knockout Women Football Tourna-ment 2019 ha kaba ki team kiba ïalehkai ha kane ka Final ki long hapdeng ka Top 11 FC pyrshah ïa ka Nongpathaw Secondary School.
Ha kane ka jingïalehkai ka long kaba ïa khaid da mar shi kol, ha kaba na ka Nongpathaw Secondary School ka la ïoh ban pynkhih ïa ka jar ha ka kylla step da ka Pynhun Shulet bad ha ka kylla miet ka Top 11 ka la ïoh lad pynphai da ka Ferisha Fancon. Dei lyngba ka Tie breaker ba ka Nongpathaw Secondary School ka la ïoh ïa ka jingjop da 5-4 kol.
Ha kane ka sngi ka ïoh ruh ban pynlong ïa ka jingïalang kaba lyngkot ba la pynïaid da u Rangbah shnong Nongpathaw ha kaba ka ïoh jingkren na u Samla Bistarjune Marba-niang, Education Secretary Nongthiew Circle ha kaba u lah kyntu ïa ki nongïalehkai kiba don ka sap ba kin nang ïaid shaphrang bad trei sitom ha ki jingïalehkai, bad ruh na u Rangbah Dong Mawmyrsiang, Bah Riji Kharlor uba dei u Secretary Kur Nongneng Shanpru, na u Symbud Kongsan uba dei u Rangbah Kur Nongneng Shanpru bad ïa ka bynta kum u Kongsan la shim da u Bah S.O.Kharjana.
Hashwa kane ka jingïalehkai final ka lah don ka jingïalehkai Paralok Under 14 hapdeng ka Umthlong bad ka Nongpathaw ha kaba ka Umthlong ka la pynliem ïa ka Nongpathaw da 1 kol.