Press "Enter" to skip to content

Sha ka Quarter Final jam ka 2nd Division Football WJDSA

Jowai, Nailur 16: Ka lympung ïalehkai Second Division Football kaba pynïaid da ka West Jaiñtia District Sports Association (WJDSA) kala jam sha ka quarter final.
Haka jingïakhun kaba khatduh kaba long haka sngi Nyngkong ha madan Kiang Nangbah Stadium hapdeng ka Mukhla Raij bad ka Khliehmynkrem kala wai da kaba ïakhaid khlem don mano mano ba ïoh pynkhih jar. Da kane ka jingïakhaid ka Mukhla Raij kala buh jaka ïalade haka kyrdan jong ka quarter final.
Kan aireng pyrshah ïaka Dongmihsngi haka 19 tarik une u bnai haka por 12:15 PM.Ka Panaliar kan aireng pyrshah ïaka Lutituber haka 20 tarik, ka Lion SC pyrshah ïaka Nangbah SA haka 21 tarik une u bnai.
Ka jingïakhun kaba khatduh kanlong haka 23 tarik une u bnai ha pdeng ka Iawmulong Nartiang pyrshah ïaka Caroline.Ka Tpeppale bad ka Umshangiar kila hap ban hiar kyrdan noh na 2nd Division sha ka 3rd Division hadien ba kim lah satia ban ïalehkai bha mynta ka aiom ïalehkai.