Press "Enter" to skip to content

ïa khaid ka Mawponghong bad Mawsarit ha ka 1st Divn TASA

Shillong, Nailur 21: Ka lympung ïalehkai First Division ba la pynïaid da ka Tyrsad Area Sports Association (TASA) ka la kut noh da ka jingïakhaid hapdeng ka Mawpong-hong pyrshah ïa ka Mawswrit da 2-2 kol.
Ha ka jingïakhun ka Mawsawrit SC ka la ïoh ban pynkhih jar nyngkong ha ka minit kaba 3 ba la thep da u Respallan Mawlong katba ka Mawponghong SC ka la ïoh ei shi kol lyngba ka kol ba la thep hi (own goal) da u rangïalehkai dien u Dilanstar Nongbet kaba la wan ha ka minit kaba 20.
Ha ka jingïalehkai kaba itynnad bha u Respallan Mawlong u la thep biang sa ïa ka kol kaba ar ha ka minit kaba 23 ha kaba ka jingïalehkai jong ka kylla step ka Mawsawrit SC ka la lam khmat da 2-1 kol. Ha ka jingïalehkai jong ka kylla miet ka jingïakhun ka la nang ïakhaid shuh shuh baroh ar liang kila ïakhun tyngeh ban ïoh thep kol, ka Mawponghong SC kaba la sdang ban pynkylla ïa ka rukom ïalehkai ka la ïoh ban pynpra ïa ki rangïalehkai dien ka Mawsawrit bad da ka jingñion tyngeh u rangïalehkai shakhmat u Jiovanni Syiemiong u la ïoh ban thep ïa ka kol kaba ar ha ka minit kaba 70.
Ka Mawponghong ka la ïoh ïa kawei ka kabu ksiar lyngba ka penalty hynrei u Precious Jala u khlem lah ban pynrung kumta tad haduh kaba kut jong ka jingïalehkai ka la ïakhaid noh da 2-2 kol.