Press "Enter" to skip to content

Wanrah ka Sorkar MDA ïa ka CM-MERA ban pynshlur ïa ki Nongsengkam lajong

Shillong, Nailur 21: Ka Sorkar Meghalaya Demo cratic Alliance (MDA) kala wanrah mynta ïa ka skhim Chief Minister’s Megha laya Entrepre neurship Recognition Award (CM-MERA) kum ka sienjam ban pynshlur ïa ki nongseng kam sengjam lajong hapoh ka Jylla.
Ka Sorkar manla u bnai ka ai ka jingithuh ïa ki Nongsengkam lajong da kaba ai khusnam “Entrepreneur of the Month’ ryngkat ka song pisa ba T. 1 lak ba kin nang pynheh ïa ka kam ba ki seng.
Kane ka sienjam ka plie lad ruh ïa ki ba kin ïakynduh ïa ki nongkynshew pisa ki ban kynshew ha ki kam ba ki trei bad kan iarap ruh ha ka liang ka jingpynïaid iew ïa ki mar ba ki pynmih.
“Ka Sorkar jong nga ka da kut jingmut shisha ban kyrshan ïa ki nongsengkam lajong, kiba iarap ban kyntiew ïa ka ïoh ka kot jong ka Jylla” ong u Conrad.
Ka Sorkar MDA kala pyntip ruh ba ki don lai ngut ki nongsengkam lajong kiba la ïoh ïa ka CM-MERA na ka Sorkar bad kine ki dei u Preastill R Marak jong ka ‘Aslida Food Product, i Kong Dasumarlin Majaw jong ka Smoky Falls Tribe Coffee bad u Bah James E Dkhar jong ka ‘Nela Handloom Training Centre’.
U Perastill R Sangma u dei uba pynmih ïa ka mar ba shna na ki soh ba mih hapoh ka Jylla bad lyngba ka CM-MERA, une u nongsengkam ula lah ban shna ïala ka jong ka karkhana rit ban pyntyllun shakhmat ïa ka kam.
I Kong Dasumarlin Majaw jong ka Smoky Falls Tribe Coffee i dei uba pynmih ïa u coffee ba khlem khleh dawai bad da ka CM-MERA ila tei ïa ka sem hala ïing ban pynmih coffee bad i pynïaid ruh ïa kawei ka dukan cafe ha Police Bazaar, Shillong. Katba u Bah James E Dkhar jong ka Nela Handloom Training Cenyre u dei uba pynmih ïa ki jaiñ bad uba ai jinghikai ïa kiwei pat nalor ka jingaikam ïa ki nongthaiñ jaiñ. Ki mar ba pynmih da une u rangbah ki dei kiba ïaid iew bha bad u dang ïai bteng ban nang pynkupbor ïa ki nongthaiñ jaiñ.
Ïa ka CM-MERA la kyrshan ruh da ka Meghalaya Institute of Entrepreneurship (MIE) kaba dei ka Nodal Institution hapoh ka Jylla kaban pynkylla dur ïa ki lad kamai kajih lyngba ki jingai jinghikai ban sengkam sengjam lajong bad ban pynshlur ïa ka jing sengkam ba rit ba ria haba pyniadonbynta lang ïa ki samla, ki kynthei bad kiwei kiwei.