Press "Enter" to skip to content

Ki sengbhalang ki don ka bynta kaba kongsan ban pynïaid beit ïa ka synshar khaddar: DC WJH

Jowai, Risaw 23: U Deputy Commissioner West Jaiñtia Hills District, u Garod LSN Dykes ula ong “ki sengbhalang ki don ka bynta kaba kongsan na ka bynta ban pynïaid beit ïa ka synshar ka khaddar.”
“Ha kane ka ri synshar paidbah jong ngi, ki sengbhalang ki don ka bynta kaba kongsan ban wanrah ïa ka roi ka par bad ka miat ka bha jong ka imlang ka sahlang. Ki Sengbhalang lada dei kino kino ki kren ïa ka sur u paidbah,” la ong u Deputy Commissioner, West Jaiñtia Hills haba kren ha ka jingïalang pynthymmai nongkitkam People United Front (MPUF) central body ha ka jingïalang kaba long ha District Library Auditorium, Jowai.
U DC ula shim ruh ka bynta ban pynskhem bad shim jingkular ïa ki nongialam ka MPUF.
Ha kane ka jingjied nongkitkam u Dawanpoimi Laloo ula shah jied biang u President jong ka MPUF.
Kum ban shu pynkynmaw ba ula iehnoh ïa kane ka kam hadien ba ula ïakhun ia ka elekshon MDC 2019.
La jied General Secretary ïa u Aimonbha Syad, Assistant General Secretary Rilangmi-O Paslein, Organising Secretary u Micheal Chyrmang, Assistant Organising Secretary Kyrshan Blah bad hynniew ngut ki EC ba kynthup ïa ki kynthei.
Ha kane ka jingjied nongkitkam thymmai ka MPUF la wan sakhi ki nongialam sengbhalang naduh u president ka JSU Lawyer Son War, president HNPF Lone Laloo, ki dkhot jong ka MPUF na ki Unit bad Circle jong ka na East bad West Jaiñtia.