Press "Enter" to skip to content

Ki Diengsoh Tyrkhum lane ki dieng Cherry Blossom ha ka ktien nongwei

U diengsoh Tyrkhum lane kita ki dieng Cherry Blossom kiba don ha kane ka jylla Meghalaya, kahmtam eh ha ki lum khasi ki don ha kylleng bad ki kham mih bha ha ki jaka ba la kham long sor, kum ka Shillong bad Nongstoin, kumjuh ha them Umiam jong ka Ri Bhoi District.
Kat kum ka jingwad bniah jong nga u nongaibuid rangbah jong ka seng “Seng Nongsumar  Dawai Khasi Nylla” u ba dei ruh kum uwei na ki dkhot jong ka Biodiversity jong ka jylla Meghalaya kaba la tip kum ka “ Meghalaya Biodiversity Board” kaba dei kawei na ki shnat trei kam ka tnad khlaw jong ka sorkar jylla.
U Diengsoh Tyrkhum, u long u dieng u ba kordor tam katkum ka jinglap jong nga bad mynta ka jylla kala ruh kala pynlong la saw sien ia ka “Cheery Blossom Festival” ha ka por ba kine ki dieng kip huh syntiew. U ne u jaid dieng u long u ba don kam bha ban thung ha kylleng jong ka jylla, khamtam sha ki nongkyndong kaba ki khlaw ki la nang syllen.
Da ka jingdon jong kine ki dieng, kaba don kam eh lyngba kine ki syntiew ki ngap, ki thap balieh, ki sim, ki mrad khlaw ki bam bha khamtam ia ki soh jong une u diengsoh Tyrkhum. Namar katta nga idon kam ba ka sorkar kan kyndit bynriew noh ban thung ia kine ki jaitdieng sha ki nongkyndong khnang ba ki ngap kin ioh ban kjit um na kine ki syntiew ka pynlong artad ia ka um ngap ban long kum ka dawai namar tang ha ki jaka sor kan pynlong pynban tang ka jingpynitynnad hynrei nga kwah ba kine ki dieng kiba kordor kin dei ban katkum kaba u blei u la ai ba ki khun bnriew kin pyndon kam ia u.
Ia kine ki dieng la pyndon kam ruh ia ki soh jong u ban shna ia ki dawai ba bun jait bad ki jingsleh kiba kordor, ha ka juh ka por u long ruh u soh ba ngi lah ban shna ia ki jynja rong ban airong wat ban polish wat ia ki snieh, kum ki juti bad ki jingpynitynnad kiba bun jaid ha kine ki sngi.
Ha ka jingshem jong nga kum u wei na ki stad wad bniah ia ki dieng ki siej ia ki syntiew ki skut, ki dawai kynbat, ngam pat lah ban ban lap ia ka tynrai kaba une u dieng u wan nyngkong ha kane ka jylla jong ngi, te mynta ia wer lem ia ki stad wad bniah khamtam ia ka tnad khlaw jong ka sorkar jylla ban lap ia ka tynrai na ei u wan, hynrei ha ka jingshem ka jong nga u ne u diengsoh Tyrkhum u dei u ba la don lypa ha kine ki lum khasi namar ka suin bneng ka ia hap dur bad kine ki dieng.
Haduh mynta la ngeit bad la pynskhem ba ia u ne u dieng Cherry Blossom ba la khot ha kiwei ki ri la shem nyngkong ha ri Japan, Korea bad na kitei ki ri la rah symbai sha America. Hynrei ka jingiapher kine ki dieng ka long ka por phuh syntiew. Ha Japan bad America kine ki dieng ki phuh syntiew ha u bnai Lber katba ha ha ki lum khasi u phuh syntiew ha ka taiew bad khatduh u Risaw bad u neh haduh ba kut jong Naiwieng, kata ka shong katkum ka jinglong ka suin bneng ha kaba ia dei bad ka jingphuh slem ne phuh kloi ki syntiew.
Na ka liang jong nga ai ai jingmut sha ka sorkar ba kan thung ia une u diengsoh Tyrkhum ha arliang ka surok buh Shillong Guwahati, Shillong Tura bad kum juh Shillong sha Ratacherra lane lada lah ban ai symbai sha ki shnong ki thaw ban thung ha ki ruh shnong lane ha ki rud iing ha ki nongkyndong.
Kumba ka long mynta ka jingjaboh jong ka mariang khamtam eh ha kane ka nongbah Shillong kala nangkiew na ka snem sha ka snem, ka sorkar kala dei ban shim ia ka rai ba kan bthah ia baroh ki nongshnong shnong hapoh sor Shillong ba kin thung ia kine ki dieng namar u long u dieng u ba khlain bha ban pynmih ia ka lyer Oxygen kaba u khun bynriew u don kam eh ha ka jingim briew.
U Dr H Bani, Nongai buit rangbah ka Seng Nongsumar Dawai Khasi Nylla West Khasi Hills District Nongstoin, Meghalaya, Mobile (9862061108/ 6009125508).