Press "Enter" to skip to content

Dang tam ka Meghalaya ïa ka Mizoram ha ka U-19 Cooch Behar Trophy

Shillong, Nohprah 07: Ka Meghalaya ka dang lah ban tam ïa ka Mizoram ha ka lympung ïalehkai U-19 Cooch Behar Trophy ha kaba kut jong ka sngi kaba ar ha Texpur, Assam.
Ha ka sngi sdang ka Mizoram ka la kamai 137 ron bad shah pynhap lut ki wicket katba ka Meghalaya ka la lah ban poi sha ka thong da kaba kamai 146 ron bad shah pynhap noh 3 wicket bad ha kane ka sngi ka Meghalaya ka la pynkut ïa ka innings kaba nyngkong da kaba kamai 267 bad hap noh 9 wicket ha kaba ka la lam khmat da 130 ron.
Ha kaba sdang u Divyansh Rajput u la kamai 75 ron bad khyrwit 3 tylli ki hynriew ron bad 11 tyli ki saw ron na ki 86 bol, bad mynta ka sngi haba bteng ïa ka innings ba dang sah u la lah ban kynjohsha kacentury hashuwa ban shah pynhap, kata da kaba kamai 145 bad khyrwit 7 tylli ki 7 ron bad 18 ki saw ron na ki 147 bol.
Ka Mizoram haba bteng ïa ka pali ban tied ïa ka inning kaba ar ka la shah pynhap noh 4 wicket bad ïoh kamai 42 ron hynrei da ka jinglah ban kamai ron u Priyansh Jain u ba la kamai 50 ron khlem shah pynhap wicket ka la pynlong ïa ka Mizoram ban kham ïoh mynsiem bad ka la lah ban pyndep ïa kane ka sngi kaba ar da 132 ron bad shah pynhap noh 6 wicket, bad tam da 2 ron.
Ha ka jingkhur wicket u Aryan Borah ha baroh ar inning u la khur 8 wicket bad ai kamai 72 ron, katba ki arngut kiba la khur wicket ki long u Aaron Nongrum 1 wicket na i 6 ron bad u Divyansh Rajput 1 wicket bad ai kamai 22 ron.