Press "Enter" to skip to content

Pyllait paidbah u Ma Saron Paswet ïa ka khana jong ka Kur Sookpoh Khad Ar Wyrnai

Pynkup burom ka kur Sookpoh ïa ki samla pule jong ka Kur

Jowai, Nohprah, 07: U MDC jong ka Jowai South u ma Saron Paswet ula pyllait paidbah ïa ka khana jong ka Kur Sookpoh Khad Ar Wyrnai kaba la tip kyrteng “Ka Kot Parom ka Kur” ha ka Dorbar Bah kaba San jong ka Kur Sookpoh Khad Ar wyrnai kaba long ha ïing kur ha Chilliangraij, Jowai ha ka sngi Saitjaiñ.
Ka Kur Sookpoh Khad Ar Wyrnai kumba ju long manla u snem kala lah ban pynlong biang ïa kane ka jingïakynduh lang jong ka Kur ha kaba ki kñi ka kur kila ai jingsneng jingkraw ïa ki khun ka kur ba kin pynnen pynsah ïa ka nam ka burom ka kur pateng la pateng.
Ha kane ka sngi ka Education Committee jong ka kur kala pynkup burom ruh ïa ki khun ka kur kiba la pass bha ha ki kyrdan bapher bapher kaba la wanrah ka nam ka burom jong ka kur Sookpoh Khad Ar Wyrnai.
Ki don haduh 19 ngut ki samla kiba la shah pynkup burom bad kine ki kynthup ïa ka Sawaka Kynjing kaba la wan ha ka kyrdan nyngkong eh ha ka eksamin LLB 2019 kaba pynïaid da ka NEHU.
Nalor ka Sawaka la pynkup burom ruh ïa ka Dr. Mayakiru Pakyntein, Bachelor of Dental Surgery, Dental College RIMS, Imphal, Dr. Mebalarisha H. Paswet Bachelor Dental Surgery, Jaipur Dental College. Ka Morealda Paswet, Master of Arts (Music) kaba pule ha Martin Luther Christian University, Megha laya. Amanda Lytan, Bachelor of Master of Science, Environmental Science, University of Science and Technology, Megha laya, Securing CGPA–7.24. Sookiwaka Lywait Degree of Master of Science, Environmental Science University of Science and technology, Megha laya. Securing: CGPA–6.43.
U Pynshaibormi Syngkon Degree of Bachelor of Technology, Electrical and Electronics Engineering VeL Tech Rangarajan Dr Saguntha la R&D Institute of Science and technology, Securing (CGPA: 8.33). Lakhon Paswet Degree of Bachelor of Technology, Civil Engineering, Regional Institute of Science and Technology, Megha laya, Securing CGPA: 6.92. Ka Manha ka Lakiang Bachelor of Science in Dairying, Sam Higginbottom University of Agriculture, technology and Sciences, Securing 66.5%.
U Haurudeiwa Lakiang Degree of Bachelor of Science in Forestry, Sam Higginbottom University of Agriculture Technology and Sciences, Securing: 71.5%, u Luigi Dalian Pasweth uba la wan ha ka kyrdan 3rd Position jong ka Merit list jong ka exam Megha laya Board of School Education Securing: 93.83%. bad kiwei kiwei.
Ïa ka jingialang pynkup burom la pynïaid da u Dameki Paswet Secretary Khynroo Khylood Committee (KKC) bad ka Dalam Lytan ha ka jingïadonlang u Dolloi ka Elaka Jowai u Ma Puramon Kynjing, ki longkmie longkpa, ki samla shynrang kynthei, ki hep barit nalor kiwei kiwei de ki riew rangbah jong ka Kur Sookpoh.
U President ka Kur u Dr. Peitbha Syngkon, u Ma Kaidordwara Syngkon, ka Syiemki Pakyntein Chairperson Women’s Wing, Iongpiah Unit ki la ai ïa ki kyntien sneng kyntien kraw bad ki kyntien pynshlur iaki khun samla ka Kur ba kin nanglah ban jam shakhmat ha kino kino ki jingthmu ba bha jong ki.
U Lamwan Paswet General Secretary ha ka jingkren ula pynkynmaw ïa ki rai jong ka kur “Ka Kur Soppkpoh Khad Ar Wyrnai ha u snem 2015 ka la pynmih ïa kawei ka rai bad mana ïa uno uno u shynrang jong ka Kur uba shongkha bad kawei pat ka Kur ym lah ban pynkylla ïa ka jait jong ki khun sha ka Kur Sookpoh namar ka long sang ïa kiba hadien habud. KI kynthei jong ka Kur haba ki ïoh lok da kiwei ki jait iaki ruh la khang pyrshah ban pynkylla ïa ki khun ki kti jong ki sha ka jait Kur jong u Kpa.
U Saron Paswet haba kren kum u kongsan ula pynshlur ïa ki khun samla ka Kur ban nangtrei shitom shuh shuh ha ki jingpule puthi jong ki bad ban don ruh ka mynsiem ïeid ïa ka kur ka jait. Ula kitbok kitrwiang iaka nongialam jong ka Kur bad ki nongkit kam ba kin nanglah ban pyniaid beit iaid ryntih iaki kam jong ka Kur na ka bynta jingbha.