Press "Enter" to skip to content

Ka Machine Printing Mawkyrwat SBI ka ïeng tang ka dur

Bah G.Singh Syiemlieh, Nongnah-Mawkyrwat.

Ka Sorkar /Company ba pher bapher ki ju wanrah ne buh ki tnad treikam ban myntoi u paidbah ha kita ki Thaiñ/Dong. Ki Sengbhalang ki ju pynlong ki jingïakhih lada kim poi /lawthaw haei haei. Khublei shibun ïa kita ki Sengbhalang kiba ju peit/ïa khih na ka bynta ka jingbha u paidbah salonsar.
Ka Machine Printing jong ka State Bank of India kaba la dep pynïeng ha kane ka Ophis kam ju treikam. La katta ki snem kam ju lah ban treikam ban pynhun ne ai jingshakri ïa u paidbah. Kumba ka la dep long ka la shu ïeng ka dur bha briew khlem treikam ei ei ruh em. Hato myntoi ban shu peit shin jawdud tang ïa ka dur? Ka dur kam myntoi ei ei ruh em lymda kata ka jinglong ka jong ka kam shym la lar thew.
U Myrsiang ha ka kot ‘Simrit’ ba la thoh da ka kong Missibon Diengdoh u ong “Ban leh aïu ïa ka dur bula, ka jabieng kaba tam” Haba ha ka dur bula ban leh aïu sha ïa kaba kum kata ka bym shym la ai ka jingtreikam kaba paka ïa phi ïa nga. To ai ba kan bhabriew kat ka puri blei hynrei dang kham lah ka snieh kyrbei kaba treikam. Lehse ym ju kham don u/ka briew ki ban da sngewtynnad ne ibang ïa ka bym ju larkam.
Ha kito ki Sengbhalang kim ju leit ban pyndonkam ïa kaba kum kane ka bula kaba kham i phylla ? La i dei ban pashat noh shapoh kroh bym lah shuh ban ïohi shuh ïa kaba pynïeng tyngkreiñ haba ïohi lut ki briew ïa kata ka jingbhabriew kaba kham sniew. Ngim tip shuh dang don ne em ki ban ai jingmynjur/jingïaroh/jingkubur/jingkyrshan ïa kaba kum kata ka dur.
Ka State Bank of India ka long ka tlong kaba kongsan tam ha ka ïoh ka kot ha kano kano ka Thaiñ/Dong khnang ban rah ïa kiba bun ki jingroi jingpa. Kat ka Mawkyrwat kaba dei ka Head Quarter jong ka South West Khasi kam lah ban ai jingshakri ba pynhun te shawei pat ki jaka ba kham kyndong yn ïa ong sa da kino ki kyntien.
Kham lah kaba sniewdur sa treikam ban ïa kaba bha briew khlem treikam. To ngin ïa ong da kino ki kyntien, hato ym don ba ujor ne ong ei ei ïa kaba kum kane ka jingjia? Ngam tharai ba kan jin da kumta namar tang une u pynsmut ruh u la pynpaw ha khmat u khlieh kane ka tnad ïa kane. Ki shkor kiba halor imat ki kham leh kyllut namar bym da myntoi eh ïalade. Kumno kumta me ong, haba la wan ban ai jingshakri la dei ban shakri ban da pynhun ïa kita kiba shong ba sah ha kita ki jaka. Aba da kumno kumta ba ym shym la paw shisha haduh mynta.
Ngin kyrmen ba kum kine kin nym jia shuh hadien habud ba ki paidbah kin mad ïa ka jingbha ym ïa ka jingthut. Hato shitom ban ïoh nongshna pynbha em kam shym la long da kumta hynrei tang ka jingleh khia kiba dei peit ïa kata ka jaka.