Press "Enter" to skip to content

Pynsah ram ka Meghalaya haduh 620 klur sha ka NEEPCO

Sangeh shisyndon ban ai bording da ka ram:
Shillong, Nohprah 29: Ka Jylla Meghalaya kala pynsahram haduh T. 620 klur sha ka North Eastern Electric Power Corporation Limited (NEEPCO), kaba la pynbor ïa kane ka Tnad pynmih bording ka Sorkar Pdeng ba kan pynsangeh shisyndon ïa ka jingdie bording da ka ram sha ka Jylla.
Namar ka jingbym siew pynkhuid ïa kane ka ram ka shah, ka NEEPCO kala phah jingthph ruh sha New Delhi ban khate noh ïa ka pisa ba T.620 klur na ka bhah jong ka Jylla lyngba ka Central Pool.
Kat kum ka khubor, ka NEEPCO kala phah jingthoh la bun sien sha ka Meghalaya Energy Corporation Ltd (MeECL) ba kyntu ban siew pynkhuid noh ïa baroh ka pisa kaba dei na ka jingthied bording hynrei la ong ba ka MeECL kam shym la ai jubab satia.
Ka khubor ka ong ba ka NEEPCO kala dep phah ïa ka jingthoh sha ka Ministry of Power ba kan khate noh ïa ka bhah jong ka Jylla Meghalaya na ka Central Pool.
Kumjuh ruh lnamar ka jingpynslem ban siew ïa ka pisa, ka NEEPCO ha kine ki khyndiat bnai bala leit noh, kala sangeh shisyndon ban shu bording daka ram sha ka Jylla Meghalaya. Kumba long mynta, ka NEEPCO kala ai bording ïa ka Jylla hadien bala siew lypa ïa ka pisa.
Ka khubor ka ïathuh ba ka jingthied bording jong ka Jylla Meghalaya na ka NEEPCO ha ka shibnai, kala kot ïa ka T. 20 klur
Ka Jylla Meghalaya kan sa mad biang ïa ka jinghap pynlip bording da ki bun kynta nangne shakhmat.