Press "Enter" to skip to content

20 tarik ka Dorbar kyrpang ban pynskhem jing pynjlan bhah kyrpang long MLA/MP ki SC/ST

Shillong: Ka Meghalaya Legislative Assembly kan pynlong ïa ka dorbar ba kyrpang ha ka 20 tarik mynta u bnai ba pynskhem ïa ka Constitution Amendment Bill ba 126. Kane ka Bill kadei kaba pynjlan sa shiphew snem ïa ka jingbhah kyrpang ïa ki Riewlum (Scheduled Tribe) bad ki Ritpaid(Scheduled Caste) ha kaba ïadei bad ka kam MLA bad MP.
ïa kane ka Bill la mynjur da ka Lok Sabha ha ka 10 tarik u Nohprah jong u snem baladep bad ka Rajya Sabha pat ka la mynjur arsngi hadien kane, kata ha ka 12 tarik.
ïa kane ka Bill donkam ruh ban mynjur da ki ïingdorbar Thawaiñ jong ki jylla khnang ban ïoh jingmynjur sa na u President jong ka ri India.
Ka jingthmu jong kane ka Bill ka long ban ailad ne pynshlur ïa ki jaidbynriew riewlum bad jaidbynriew rit paid an long ki nongmihkhmat sha ki ïingdorbar Thawaiñ ha jylla bad kumjuh ruh ha Parliament.
Mynta ha ri India ki don India 84 ngut ki MP na kiwei pat ki jaidbynriew rit paid ne ki Scheduled Caste 47 MP ngut ki MP na ki jaidbynriew Riewlum ne ki Scheduled Tribe. Ha ki Assembly pat ki don 614 ngut ki MLA na ki Scheduled Caste bad 554 ngut ki MLA na ki Scheduled Tribe.
Ha Meghalaya la mang kyrpang 55 tylli ki Constituency na ka bynta ki jaidbynriew riewlum ne ki Scheduled Tribe.
Na ka bynta ka elekshon MP sha Lok Sabha, ka Shillong Parliamentary constituency bad Tura Parliamentary constituency, ki long kiba la mang kyrpang na ka bynta ki trai jylla (reserved seats).
Ha kajuh ka por, ka jingïalang ka kynhun myntri ka Sorkar Jylla Meghalaya, ha ka janmiet sngi nyngkong, ka la mynjur ïa ka jingtyrwa na ka tnad Social Welfare ban mynjur lang ïaka jingpynbeit ïa ka Constitution 126th Amendment Bill 2019 kaba ïa dei bad ka jingpynjlan biang ïa ki constituencyba la mang kyrpang na ka bynta ki riewlum na ka bynta ka elekshon MLA bad ka elekshon MP sha Lok Sabha.
“Halor kane ka bynta, ka dorbar ba kyrpang (special session) ba tang shi sngi kan long biang ha ka 20 tarik mynta u bnai ban ioh ïa ka jingmynjur jong ka Ing Dorbar Thawain ka Jylla lyngba ka ‘ Resolution'”, la ong u Bah Prestone Tynsong, Symbud Myntri Rangbah ka Jylla Meghalaya haba kren ha ki nongthoh khubor hadien ba la wai ka ka jingïalang ka kynhun myntri.
Ïa katei ka Bill la dep ai jingmynjur da ka Parliament (Lok Sabha bad Rajya Sabha) ha u Nohprah 2019 bad kaba sah mynta ka long ban ioh sa ïa ka jingmynjur na ki Ïng Dorbar thawaiñ jong ki jylla (State Assemblies) shuwa ban phah sha u President ban ioh ïa ka jingmynjur jong u.
Ha ka Jylla Meghalaya, na ki 60 tylli ki constituency ba la mang na ka bynta ka elekshon MLA, 55 tylli ki constituency la mang kyrpang na ka bynta ki trai jylla ( reserved seats) katba sa san tylli kiwei pat ki constituency, ki long kyllum ïa baroh (general seats).
Na ka bynta ka elekshon MP sha Lok Sabha, ka Shillong Parliamentary constituency bad Tura Parliamentary constituency, ki long kiba la mang kyrpang na ka bynta ki trai jylla (reserved seats).
Ka jingmang kyrpang ïa ki constituency sha ki trai jylla na ka bynta ka elekshon MLA bad ilekshon MP ka la ïaid da ki phew snem bad donkam ban pynjlan biang bad dei na kane ka daw, ka Sorkar Kmie ka la wanrah ïa katei ka Bill kaba yn hap ruh ban ai jingmynjur lang da ka Ïng Dorbar thawaiñ jong ka jylla lyngba ka Resolution.