Press "Enter" to skip to content

ïakynduh u Lat ïa u PM ïakren halor ki mat kiba ïadei bad ki 2 jylla

Shillong, Kyllalyngkot 13 : U Lat ka jylla Nagaland uba peit ruh ïa ka jylla Meghalaya mynta u R.N Ravi u la leit ïa kynduh ia u myntri rangbah duh ka ri u Narendra Modi mynta ka sngi 13 tarik Kyllalyngkot 2020 ha ïing jong u ha nongbah New Delhi.
Ha kane ka jingïakynduh na ka liang u Lat u la ïakren halor bun ki mat kiba ïadei bad ka Nagaland, Meghalaya bad kumjuh ruh bad kane ka thaiñ shatei lam mihngi ka ri India.
U Myntri Rangbah duh ka ri u la kular ïa u Lat ban shim khia ïa baroh ki mat kiba u Lat u la pynpaw hakhmat jongu bad u kular ruh ban ai ki jingiarap na ka liang jongka sorkar pdeng.
Lah ban pynkynmaw dang ha kine ki khyndiat sngi hi u Lat Ravi u la khot ïa kynduh ïa kiba bun ki seng bhalang, ki seng niam, ki rangbah shnong ki seng trei mon sngewbha, seng pynroi ïa ka kam jngoh kai pyrthei bad ter ter ban ïa phylliew jingmut bad ki. Dei hadien kane ka jingïaphylliew jingmut ba u sa leit ïa kynduh ïa u myntri rangbah duh ka ri bad la sngewthuh ba halor kiei kiei ki issue kiba ïadei bad kane ka thaiñ bad kine ki ar jylla kiba u la iakren ruh mynta ka sngi bad u Modi.