Press "Enter" to skip to content

La plie ïaka prokram ai jinghikai ïaki NSS ha Thomas Jones Synod College

Jowai, Kyllalyngkot 13: U Deputy Commissioner jong ka West Jaiñtia Hills District u Garod LSN Dykes ula plie ïaka traininig jong ki National Service Scheme (NSS) kaba long ha Thomas Jones Synod College, Jowai haka sngi Nyngkong.
Kane ka jingai jinghikai kaba la tip kum ka ‘Training Programme on Capacity Building of Youth on Leadership & Personality Development Through Skills” kaba la sdang mynta ka sngi kan kut haka 17 tarik une u bnai. La kyrshan ïa kane ka jingai jinghikai da ka Ministry of Youth Affairs & Sports Government of India, New Delhi.
La wan ban ïashimbynta da ki saw tylli ki kolej na Rilum Jaiñtia kaba kynthup ïaka Kiang Nangbah Government College, Jowai, Jaintia Eastern College, Khliehriat, St. Anthony’s Extension College, Byndihati bad Thomas Jones Synod College, Jowai.
Ha kane ka jingplie paidbah ïa kane ka jingai jinghikai ïaki NSS nalor u DC West Jaiñtia Hills District la ïadonlang u Principal Thomas Jones College u Dr. RR. Kharkongor, Ka Dr. D. Nongkynrih Programme Co-ordinator NSS Cell NEHU, U ma Wandy EH Lamin NSS Programme officer, TJSC. u Anup Baruah, Asst. Professor, Demoria College, Guwahati, ka P. Susngi Asst. Professor Williamnagar Govt. College bad u Sunny Mawlong Managing Director, Hundredfold Academy ki ban ai jinghikai ïaki khynnah NSS
Kane ka jingthmu jong kane ka jingai jinghikai ïaki khynnah NSS kadei halor ban kin pyntbit ïalade ban long ki nongïalam katkum ka sap ka phong jong ki.