Press "Enter" to skip to content

Da ka Walkathon rakhe ka PFR ïa ka Fit Indïa Movement

Shillong, Kyllalyngkot 18: Ka Pay For Right Shillong ha ryngkat ka jingïasnoh ktilang bad ka NYK Sanga than,Shillong East Khasi Hills kala pynlong ïa ka Walkathon kum shi bynta ban rakhe ïa ka Fit Indïa Movement haka 18 tarik kyllalyngkot kaba la long ha Polo.
Ha kane ka Walkathon la wan ban ïashimbynta naduh ki khynnah rit, ki samla bad ki rangbah jong kane ka District.
Haba phai sha ka jing kren jong u Kongsan ha katei ka sngi u Bah D.Rapsang uba dei ruh u District Youth Coordinator ka NYK Sangathan, East Khasi Hills, u la kyntu ïa baroh ki nongïashimbynta ba ki dei ban pynmlien ïalade ban ïaid kjat man la ka sngi khnang ba kin lah ban ïoh ïaka met ka phad kaba koit kaba khïah. U la ong ruh, wat ai ba kane kan shu kut noh tang hangne hynrei ngi dei ban kyntu ïa kiwei ruh ba kin pynmlien ban ïaid kjat man la ka sngi naka bynta ka koit ka khïah ka jong ki ruh.