Press "Enter" to skip to content

Plie u Dy CM ïa ka jaka pynlang dud ba tei na skim NREGS 

Shillong, Rymphang 13 : U Symbud Myntri Rangbah ka Jylla ba dei peit ïa ka tnad Animal Husbandary & Veterinary, Bah Prestone Tynsong ha ka sngi  Palei u la plie paidbah ïa ka jaka pynlang dud jong ka Ïatyllilang Multipurpose Cooperative Society kaba don ha Nongpyiur, Upper Shillong kaba la shna lyngba ka skim 100 Sngi ryngkat ka jingnoh synñiang lang ki longïing kiba ri masi khem dud ha ha katei ka thaiñ.

Na ka liang u Kongsan, haba kren ha katei ka sngi u la ong ba da ka jingdon jong katei ka jaka pynlang dud hangtei kan nang pynkhlaiñ bad pynsuk shuh shuh ïa ki paidbah ba ri masi khem dud ha katei ka thaiñ.

U la pynpaw ruh ka jingkyrmen ba lyngba katei ka kam ri masi khemdud, ki paidbah katei ka thaiñ kin nang kiew arted ha ka ïoh ka koit ha ki iing ki sem. Ha kawei pat ka liang u la kyntu ïa ki paidbah ba kin shim kabu ruh ïa ki skim sorkar la kadei jong ka sorkar pdeng ne sorkar jylla khnang ba kin nang lah ban pynkhlaiñ shuh shuh ka jingpynmih dud ha ka jylla.

Shuh shuh u ong ruh ba lada i kmie jong u tang da kaba ri sniang i lah ban pynnang pynstad ïa u haduh ba un da long kumne kumba long mynta, kan eh aiu ïa ki longkmie ba kin pynnang pynstad ïa ki khun da kaba ri jingri.

U MLA ka thaiñ ba dei ruh Myntri ka tnad Urban Affairs, u la ong ba u sngew sarong ba ki don haduh lai tylli ki society tang