Press "Enter" to skip to content

Ka juk Multi-Media kaba lah ban tei ne pynjot ïa ki khynnah : Conrad Sangma

Shillong, Rymphang 14 : Lyngba ki phlim ne ki video ki khynnah ki tip bniah bad ka tei bha ïa ki hynrei ha kane ka juk multi- Media ba mynta pat lada ym lah ban peit bad bishar ka lah ruh ban long kum ka nongpynjot ïaki, ong u myntri Rangbah Conrad K Sangma haba kren plie ïa ka tamasa phlim khynnah ba arsngi ha nongbah Tura mynta ka sngi.
“ Ki khynnah ki kham tip bniah bha haba ki ïohi da la ki jong ki khmat bad na kata ka daw la pynlong ïa kane ka prokram ‘Children’s Film Festival” hynrei lada ym lah ban peit bad bishar bniah pat ha kane ka juk multi-media kaba lyngkar haduh katta katta ka lah ban pynjot ruh ïa ki khynnah lada ki pyndonkam bakla ïa ka. Hynrei lada nang ban pyndonkam kan long ka jingmyntoi kaba khraw bha ïa ki khynnah” ong u Conrad Sangma.
ïa kane ka prokram la pynlong da ka Children Film Society of India (CFSI), Ministry of Information and Broadcasting, ka sorkar pdeng ha ka jingïatrei lang bad ki bor synshar district jongka West Garo Hills bad kumjuh ruh ka tnad Arts and Culture.
U la banjur ïaka CFSI ban dang ïai bteng ban pynlong ïa kiba kum kine ki prokram naka bynta ki khynnah bad khtamtam ban leit sha ki nongkyndong ban pyni bad batai ïa ki khynnah khnang ba ki ruh kin ïoh jingmyntoi lang. U la ong ki khynnah ki dei ka lawei jongka ri bad ka jaidbynriew kumta u la ban jur ïa ki khynnah ba kin don ka jingkitkhlieh naduh ba ki dang rit ban tei ïa ka long ïing ka long sem, ka imlang ka sahlang bad ïa ka ri bad ka jaidbynriew hi kumjuh.
Na ka liang u Administrative Officer jongka CFSI, Mumbai u Rajesh Gohil u la pynpaw ba ha kine ki arsngi yn pyni haduh 6 tylli ki phlim naka bynta ki khynnah skul bapher bapher jongka Tura. U la ïathuh ka daw ba kongsan ba ka sorkar pdeng ka la pynlong ïa kaba kum kane ka prokram ka long ban ïarap ïa ki khynnah ba kin tip bad ïohi shaphang ki phlim kynthup ïa kito kiba im bad sah sha ki thaiñ nongkyndong. U la ïathuh ïa ka phlim u Mahatma Gandhi, Swachhta bad kiwei kiwei yn pyni lang ïa ki khynnah nalor ki phlim kum ka Prince and the Crown of Stone, Gattu, Kaphal, Rhino Pappu, Ki Pupdhandi bad Krish, Trish bad Balti Boy.